Nagpahigayon sa ikaduhang adlaw ang Provincial Human Resource and Management Office (PHRMO), Mayo 7, 2025, og usa ka Government Writing and Information Design Training sa VIP Clubhouse sa Davao del Norte Sports and Tourism Complex, nga gitumong sa pagpahugot sa kahanas sa mga kawani sa maayong pagduma sa impormasyon.
Gipasiugdahan sa Civil Service Commission – Region XI pinaagi sa resource speaker nga siMr. Hilarian C. Matavia Jr., usa ka Special Investigator III sa Human Resource Division, ang maong tibuok-adlaw nga pagbansay. Gitambongan kini sa mga kawani sa nagkalain-laing opisina sa Kapitolyo sama sa Provincial Agriculture Office (PAGRO), Provincial Administrator’s Office (PADO), Provincial Disaster Risk Reduction and Management Office (PDRRMO), ug uban pa.
Tumong sa maong training ang pagpahimulos sa mas klaro, epektibo, ug yano nga pamaagi sa pagsulat sa mga impormasyon nga makatabang sa mas paspas ug masabtan nga serbisyo publiko.
Gipasabot ni Matavia nga importante nga mailhan sa usa ka manunulat kungkinsa ang tinuod nga tumong sa iyang mensahe, aron matino usab kung unsaon kini pagserbisyo sa publiko.
“It plays a role when you know how your audience will interact with the material,” matud ni Matavia, nga misaysay sa kalabotan sa audience-based writing.
Gipasiugda usab ang importansya sa paggamit ogplain language, ilabi na sa mga memorandum ug opisyal nga kasulatan. Sumala kangArmelyn Malilasa PHRMO, ang paggamit sa yano nga pinulongan importante aron dali masabtan sa publiko ang mensahe.
“The use of plain language helps ensure nga ang sulat masabtan dayon sa kadaghanan,” sulti ni Malila.
Giduso usab sa maong training ang pagpalig-on sa teknikal nga kahibalo sa pagdisenyo ug paghimo sa mga materyales para saprint, creative, ug digital platforms, nga kasagarang gamiton sa social media ug uban pang communication platforms sa gobyerno.
Duha kini ka adlaw nga training sugod sa Mayo 6 ug natapos Mayo 7, 2025.
Pinaagi sa pagkahiusa ug aktibong partisipasyon, ang mga kawani sa Kapitolyo nagpadayag sa ilang tinguha nga mapalambo pa ang ilang papel isip mga epektibo, tin-aw, ug responsableng tighatag og impormasyon sa katawhan sa Davao del Norte.
Writers: Lyka Gonzales and Ruffa Mae Guitan
