Serbisyong walay pili, direkta sa katawhan
- Details
- Published: Saturday, 08 August 2026 08:38
- Written by DavNor PICKMO
- Views: 16
Gipakita sa programang Oplan KKK ni Kuya Gob Edwin I. Jubahib ang tatak panggobyerno sa Jubahib-Jubahib administration nga serbisyong walay pinili ug direkta sa katawhan, bisan kinsa man o unsa man ang estado sa kinabuhi.
“Kini atong gihimo para nga ang serbisyo sa katawhan, ang serbisyo sa gobyerno direct moabot sa katawhan ug makita sab nato ang inyong sitwasyon dinhi sa inyong barangay,” sulti sa gobernador.
Sa ikatulong adlaw sa Oplan KKK sa Island Garden City of Samal, Kauban ni Kuya Gob si Vice Governor Clarice Jubahib ug mga department heads sa pagdala sa mga serbisyo sa Kapitolyo karong adlawa, Agosto 7, 2026 sa siyam ka mga barangay sa isla.
Kini milangkob sa mga barangay sa Aundanao, Licup, Tagbitan-ag, Guilon, Aumbay, Tagbay, Del Monte, Cawag ug San Jose.
Liboan na pud ka mga Samalenyos ang nakapahimulos sa daghang mga serbisyo nga gidala sa Kapitolyo, sama sa libreng medical ug dental services, minor surgical operation, social, agri ug veterinary ug legal services ug daghan pang uban.
Dugang ni Kuya Gob nga tumong pud sa programa nga masuroy ug makahinabi sa provincial officials ang katawhan sa barangay, dili lang panahon sa election, aron masuta ang mga panginahanglanon ug problema sa katawhan.
“Kung ang elected official monaog gikan sa probinsiya maoy mangunay moadto sa barangay kay deretso nato maistorya ang inyong opisyales, kapitan, kagawad, mga functionaries ug kamo mismo nga katawhan diretso makaatubang sa inyong gipili nga gobernor, bise gobernadora ug mga opisyales,” sulti niya.
Ang 46 anyos nga si Felonila manlangit, mapasalamaton kaayo sa Oplan KKK tungod sa iyang nadawat nga medical check-up, eye glasses, ug sa cash assistance nga gihatag mismo ni Kuya Gob alang sa iyang laboratory tests para sa iyang sakit sa tiyan.
"Dako kaayo ni nga tabang nga mga serbisyo... Dili na mi moadto pa sa probinsiya, sa city hall... Lipay kaayo nga niabot ni sa amoa... Dili na mi kinahanglan motabok. Kay pamasahe lang daan wala na,” ingon niya.
Kauban sa provinsiya sa paghatud sa mga serbisyo sa Oplan KKK ang mga persohahe sa Philippine Statistic Authority (PSA), Philippine National Police (PNP) Department of Trade and Industry (DTI), Bureau of Internal Revenue (BIR), ug ang City Government of the Island Garden City of Samal.
Libo-libo sab ka mga Samalenyos ang nakawat sa tag-10 kilos nga bugas gikan sa Bigay Bigas para sa Masa program gikan sa national government.
