PLGU DavNor, target ang pink status kontra ASF
- Details
- Published: Thursday, 05 February 2026 17:02
- Written by pioDavNor
- Views: 46
Nagpahigayon ang Probinsyal nga Panggamhanan sa Davao del Norte, ilawom sa opisina sa Provincial Veterinarians Office (PVO) og African Swine Fever (ASF) and Hog Cholera Surveillance Disease sa Brgy. Mamacao, Kapalong para sa zoning progression sa probinsiya, gikan sa red zone ngadto sa pink.
Usa ang Barangay Mamacao sa naigo sa ASF niadtong 2020, hinungdan nga nalakip ang probinsiya sa red zone classification.
Sumala ni Dr. Minelo Generale, Senior Agriculturist sa PVO, kapin 500 ka blood samples ang ilang nakolekta gikan sa siyamka Local Government Units niaging tuig. Base sa laboratory results, nag-negatibo kini sa ASF ug Hog Cholera — mga virus nga kasagarang nagdala og grabeng sakit sa mga baboy.
Ang ikaduhang hugna sa surveillance gihimo subay sa mando ni Governor “Kuya Gob” Edwin Jubahib aron mapadayon ang livestock dispersal program sa Department of Agriculture alang sa mga mag-uuma sa probinsiya.
Gihatagan og prayoridad sa PVO ang mga barangay nga kaniadto naapektuhan sa ASF aron mapamatud-an nga wala na ang presensya sa virus ug luwas na ang mga alagang baboy.
Atol sa ilang pagbisita, nakita sa PVO nga daghang backyard hog raisers ang nagsunod na sa minimum biosecurity measures.
Gipahimangno usab sa PVO ang mga farmers nga magpadayonsa estriktong biosecurity aron malikayan ang pagbalik sa sakit.
