Gihugpong sa kadasig ug determinasyon ang 40 ka partisipante sa pag-arangkada sa DavNor Adventure Race 2025, nga gipahigayon niadtong Hulyo 2, isip usa sa mga highlight sa ika-58 anibersaryo sa Araw ng Davao del Norte. Gipasiugdahan kini sa Provincial Tourism Office (PTO) sa pakigtambayayong sa Provincial Sports Youth and Development Office (PSYDO) ug mga lokal nga panggamhanan.
Gisugdan ang lumba sa lungsod sa New Corella pinaagi sa usa ka challenge — ang pagpangita sa 12 ka tinagong butang sa palibot. Ang unang nakakompleto niini, maoy nakauna usab og sakay sa baobao padulong sa Panas Waterfalls, diin gipailawom sa speed limit ang ilang sakyanan.
Pag-abot sa Panas, gipadayon ang mas lisud nga hagit: ang pagkanaog sa dangog nga busay samtang naghawid sa pisi. Gikan didto, ilang gisuong ang dalan paingon sa Alina Cave sa Purok 14, Suawon, Kapalong.
Human sa langob, gilayon silang milugsong paingon sa Tagum City E-Park, hangtud nisangko sa Provincial Capitol Grounds.
Walo ka LGUs ang niapilnga gilangkoban sa 40 ka racers ang naninguha sa kadaugan.Kamatikdan sa mga racers, ang LGU Tagum ug Panabo, ang puno sa adrenalin ug determinasyon. Ilang gipahimuslan ang matag kalisdanan isip oportunidad sa pagpakita sa ilang kusog, paningkamot, ug espiritu sa tinuod nga adventure.
Matod niProvincial Tourism Officer Noel Daquioag, tumong sa lumba ngamapakita ug ma-promote ang mga lokal nga turismo sa probinsya.
“Isa kini sa atong pamaagi para mailhan gyud ang Davao del Norte as adventure destination dili lang sa atong rehiyon, dili lang sa Pilipinas, kundili sa tibuok kalibutan,” matod ni Daquioag.
Gidaug sa mga racers gikan saLGU Tagumang unang pwesto, nga gisuportahan sa ilang battlecry:“Tagum aksyon agad!”Nikupot sa ikaduhang pwesto angLGU Kapalong, samtang angIsland Garden City of Samalnakatungtong sa ikatulo.
AngPanabo City Racers, nga nisalo sa ika-upat nga pwesto, nipadayag sa ilang kadasig:
“It was fun and we hope naa pay next year. Service to Panaboans, Service to God!”
Nasakmit ang ika-lima nga pwesto sa LGU Sto. Tomas, ika-unom ang Talaingod, ika-pito ang New Corella, ug ika-walo ang LGU Asuncion Racers.
Writer: Lorna TripoliPhotographer: Andrew John Hababag
