Gawas sa pagsulbad sa baha ‘damgo’ ni Davao del Norte Gobernador Edwin “Kuya Gob” Jubahib ang paghimo sa Liboganon River nga “tourist destination” ingon man panginabuhian (livelihood) sa katawhan.

“Three birds in one stone ang atong desilting using Water Master. Nasulbad nato ang baha sa pagpalalom; ang tanang gi-suction nga graba atong iabono dinhi sa kilid diin ma-develop siya into bicycle lane, ma-convert nato into tourism. Nasulbad natong baha ug pwede pa tang magkaroon ug “Loboc River” dinhi sa Davao del Norte. Pwede natong himoon nga tourist destination ang Liboganon River nga dugay na natong gi-problema. Pwede na tang maghimo ug “floating restaurant.” Dako kaayo ang atong activity nga mahitabo. Then mahimo pa’ng ma-convert nato into fishing kining kilid kay butangan ta ni’g mga isda ug maghimo ta’g bicycle lane. . . Mao ning atong gipaningkamotan sa probinsya sa Davao del Norte nga matagaan gyod nato ug solusyon ang atong dugay na nga problema sa baha. Ang akong hangyo nga magtinabangay ta sa kanunay nasyonal, local, government agencies, LGUs, katawhan sa Davao del Norte, men in uniforms, gikinahanglan nga magkahiusa ta. Mao nang akong slogan sa kanunay One Team, One DavNor; One DavNor, One Team,” pahayag ni Davao del Norte Gobernador Edwin “Kuya Gob” Jubahib sa pag-inagurar sa ekwipo kagahapon Martes, Pebrero 23 didto sa Liboganon, Tagum City.

Ang bag-ong Water Master nga gipahulam sa Department of Public Works and Highways XI moserbisyo sa Davao del Norte sulod sa napulo’g usa (11) ka bulan hangtod moabot na ang iya sa probinsya.