DAVAO DEL NORTE - Sementong dalan ug tulay ang gi-inagurahan ug giblessingan kagahapon sa mga Lungsod sa Kapalong ug San Isidro. Ang pondo nag-gikan sa opisina ni District 1 Representative, Congressman Pantaleon Diaz Alvarez nga gisuportahan gayud sa probinsyal nga panggamhanan sa Davao del Norte sa panguna ni Kuya Gob Edwin I. Jubahib ug sa Sangguniang Panlalawigan ug mga lokal nga panggamhanan.

Kapin 1 billion pesos ang gigahin nga badyet ni Cong. Alvarez para sa maong proyekto diin nwebe (9) ka mga kongkretong dalan ang anaa sa Kapalong ug duha (2) ka tulay sa San Isidro. Dugang sa pag suroy usab ni Congressman Alvarez kauban si Kuya Gob, iyang nadesisyonan nga ipadayon pa ang mga proyekto kay daghan pa ang mga dalan nga nanginahanglang masemento.

Mapasalamaton gayod ang mga LGU sa Kapalong ug San Isidro kang Congressman Alvarez ug Kuya Gob tungod ang maong proyekto nihatag ug dakong tabang ilabi na sa ilang mga gisakopang mga mag-uuma sanglit mas mahimong paspas na ang paghatod sa ilang mga produkto ngadto sa merkado ug sa uban pa nga mga nanginahanglan niini.