GI-INAGURAHAN na ang bag-ong gi-renovate Department of Interior & Local Government bilding sulod sa Provincial Capitol compound, Lunes, Hunyo 24, 2019.
Ang Singko Milyones nga tinukod gisugdan niadtong Hunyo 1, 2018 ug nakompleto niadtong Marso 30. Aron dili mabalda ang serbisyo, ang DavNor Training Center mao una ang nagsilbing opisina sa probinsyal DILG sa halos usa ka tuig.
Mapasalamaton si DILG Provincial Director Abito Bernasor nga sa panahon sa paghimo sa bilding, gipagamit ang duol nga Training Center ingong opisina gawas pa sa pagdugang sa ilang kakulangan.
“While this building is still under renovation, naglibog mi asa man kaha mi. He refers to us the Training Center. For almost a year, Gov salamat kaayo. Salamat kaayo gov kay you include what we lack, wala man mi conference table sa budget. Hopefully makumpleto ra ni, most important is we have a remarkable place to stay,” pahayag ni DILG PD Bernasor.
Bisan si outgoing Governor Anthony del Rosario mapasalamaton sab sanglit ang presensya sa DILG nakatabang ug dako nga mapasayon ang mga buluhaton labot sa pagdumala sa probinsya.
“You know I’m very happy to be here today. . I’m thankful to Director Bernasor because without the DILG, I would have the difficult time in doing the things that we do over the last three years,” pasalamat ni Gob AGR sa pamilya sa DILG.
Gikalipay sab ni Gob AGR ang pagkasayod nga daghang LGUs sa probinsya ang makadawat ug Seal of Good Local Governance (SGLG) gumikan sa maayong pagkadumala.
“I’ve been hearing stories that it seems that more LGUs will have the SGLG this year. I heard from the grapevine that the three cities have a very good chance that they will get it. . I’m very optimistic that not only the province, the three cities but some other municipalities will get the SGLG. . I’m happy to note that finally lumaki na yung office meron na kayong working area and I’m very happy nga nakumpleto gyod ni during my time as governor,” dugang pahayag ni Gobernador AGR.
Ang usa ka LGU mahatagan ug SGLG kung ilang mapasar ang pito (7) ka bahin maayong pagdumala diha sa Financial Administration, Disaster Preparedness, Social Protection, Peace & Order, Business Friendliness & Competitiveness, Environmental Management ug Tourism, Culture & the Arts.
