Mabungahon ang pagpaningkamot sa Davao del Norte nga mahatod ang nagkadaiyang social services sa katawhan ilabi na ang pagtunol sa tabang gikan sa Department of Social Welfare and Development (DSWD) sa hugot nga pakigtambayayong sa Probinsyal nga Panggamhanan.

Sa gipatigayon nga Panata ko sa Bayan Awards, hakot-awards ang probinsya sama sa mga pasidungog ubos sa “Gawad Ulat” nga gilaras gayod sa Provincial Information, Communication and Knowledge Management Office (PICKMO).

Sumala pa ni PICKMO Department Head Dr. Mervin Jay Z. Suaybaguio, wala nagdahom ang ilang buhatan nga mapasidunggan ang ilang nahimong kontribusyon isip magsisibya ug mga impormasyon ug balita. Dugang niya, ang pakigtambayayong sa mga ahensya sa nasyonal nga panggamhanan aron sa mas malungtarong pagpangalagad sa katawhan mao gayud ang pirmi nga pahinumdum ni Kuya Gov. Edwin I. Jubahib isip timaan sa diwa sa One DavNor, One Team.

Gipasalamatan usab ni Dr. Suaybaguio ang DSWD-Davao del Norte Operation Office ug Provincial Social Welfare and Development Office kay tungod sa daghang lakang pangkalamboan nga kanunay’ng ginahimo sa maong mga buhatan sa tabang sa tanang lokal nga panggamhanan sa Davao del Norte, mas daghan ang mahinungdanong balita ang masibya sa PICKMO.

Ang Panata ko sa Bayan Awards subay sa pagsaulog sa ika-70 ka tuig nga anibersaryo sa DSWD gipatigayon niadtong Pebrero 5, 2021 sa Ritz Hotel at Garden Oases sa Dakbayan sa Davao. Ang mga gipilian sa maong pasidungog mao ang mga organisasyon ug mga indibidwal sa tibuok Rehiyon Onse nga dunay nahatag nga dakong kontribusyon sa pagpadangat sa nagkadaiyang serbisyo ngadto sa katawhan ilabi na ang social services. Mao kini ang mga mananaog nga garbo gayud sa probinsya sa Davao del Norte.


***Gawad Paglilingkod sa Sambayanan Award***

❤️Model LGU Implementing Day Care Services

☝️Municipality of New Corella

❤️LGU Implementing Outstanding Sustainable Livelihood Program-Microenterprise Development Model

☝️Municipality of Kapalong

❤️Model LGU Supporting the Implementation of Pantawid Pamilyang Pilipino Program

☝️Municipality of Kapalong

❤️Gawad Good Convergence Initiative

☝️Municipality of Talaingod

☝️Municipal Action Team of Talaingod


***Pagkilala sa Natatanging Kontribusyon sa Bayan***

❤️Best Volunteer-Individual Category

☝️Ms. Jeralyn R. Borja

Barangay Magwawa, Municipality of Santo Tomas

❤️Best Volunteer-Group Category

☝️Magwawa Corn Mill Association

Barangay Magwawa, Municipality of Santo Tomas


***Program on Awards and Incentives For Service Excellence Awards*** (alang sa mga personahe sa DSWD)

❤️Plaque of Appreciation

☝️Mr. Bernie M. Vasquez

❤️Best Community-Based Social Worker

☝️Ms. Blaissel Jane L. Fernandez, RSW, MSSW

❤️Best Center-Based Social Worker

☝️Ms. Candelaria Tingson


***Gawad Ulat***

❤️Most Supportive Radio Station

☝️DXNR Radio 91.1 FM

❤️Most Supportive TV Station

☝️PTV Davao del Norte

❤️Most Supportive Beat Reporter in Television

☝️Mervin Jay Suaybaguio

 

 

 

DavNor News