Aron lang gyod malikay sa pagpanghasi sa mga rebeldeng NPA, mibalhin sa duol nga Sitio Mondol, Barangay Gupitan, Kapalong ang sobra usa ka gatos pamilyang Ata-Manobo gikan sa Sitio Tapayanon.

Ug kay wala pa’y budget para sa pagtukod sa ilang balay, sariling kwarta ni Gobernador Edwin “Kuya Gob” Jubahib ang gigasto aron matukod ang 159 ka balay nga mokantidad ug halos P13M aron lang gyod malayo sa peligro ang mga IPs.

Sobra tulo ka oras nga biyahe gikan sa Tagum City aron lang maabot ang Sitio Mondol walay labot ang kalangan tungod sa pagkalubong sa sakyanan.

Sa kasamtangan, nagpuyo una sa ilang “typical” nga balay ang mga Ata-Manobo samtang ginapanday pa ang “Pabalay ni Kuya.”

Gawas sa 159 ka balay, giandam na usab ang “school site” nga tukoran sa eskwelahan para sa mga estudyante.

 

 

 

 

 

 

 

 

 

 

 

 

 

DavNor News