Gibisita ni Kuya Gov Edwin I. Jubahib ang mga natukod nga 97 ka mga isolation rooms didto sa sulod sa DavNor Gym nga anaa mahimutang sa Davao del Norte Sports and Tourism Complex sa Barangay Mankilam, Dakbayan sa Tagum.

Ang mga isolation rooms giandam alang sa mga Persons Under Monitoring (PUM) ug alang sa mga benepisyaryo sa Hatid Probinsya Program. Aduna pud kini kumpleto nga pasilidad subay sa standard sa Department of Health. Buot usab ni Kuya Gov nga butangan ug wi-fi ang lugar aron dili bation ug kalaay ang mga tawo nga mugamit niini samtang gapaabot nga mahuman ang kwarantina.