Upat ka mga intubation sets ang pormal nga gidawat sa Probinsyal nga Panggamhanan sa Davao del Norte nga gipangunahan ni Kuya Gov. Edwin I. Jubahib. Apil usab nga nidawat ug laing 4 ka intubation sets ang Davao de Oro nga girepresenta ni Gov. Jayvee Tyron Uy.

Ang upat ka intubation sets sa DavNor isa isa nga ibutang sa upat ka hospital sa probinsya: Davao Regional Medical Center ug sa Davao del Norte District Hospitals sa Carmen, Kapalong ug Island Garden City of Samal.

Dako ang pasalamat sa duha ka probinsya sa All-Terrain Medical Relief Organization (AMRO) nga maoy naghatag sa maong mga ekwipong pang-medikal nga makatabang unya sa mga pasyente sa COVID-19 kung gikinahanglan. Ang sentro nga buhatan sa AMRO nahimutang sa Camp Lapu-Lapu, Barangay Lahug, Cebu City.