Bisan pa man sa kagabhion, walay hunong sa pag-repack ang mga boluntaryong empleyado sa probinsyal nga panggamhanan nga gipangunahan sa Provincial Social Welfare and Development Office didto sa Davao del Norte Gym.

Tungod kay ugma ang una nga hugna sa pag-apod apod sa mga relief goods, niayuda ang pwersa sa Armed Forces of the Philippines ug Philippine National Police aron makab-ot sa probinsyal nga panggamhanan ang sobra 325,000 ka mga relief goods nga target niini.

Human makapanghatag ang mga barangay, munisipyo ug mga lungsod, turno na usab sa probinsya nga muayuda sa pangkunsumo sa tanang pamilyang Dabaonon.

Ang maong mga relief goods i-endorse ngadto sa mga munisipyo ug mga lungsod aron kini mahatag sa mga barangay alang sa mas han-ay nga pagpanagtag niini kada pamilya.

 

 

 

 

 

 

DavNor News