BAYENTE KUWATRO oras padayong nagbantay ang gimugna nga Inter-agency Task Force Bantay COVID-19 human gideklarar ni Gobernador Kuya Gov. Edwin I. Jubahib pinaagi sa Executive Order 2020-08 ang tibuok Davao del Norte ilawom sa “Community Quarantine” gawas sa Island Garden City of Samal.

Sa boundary Bukidnon ug Davao del Norte didto sa Sitio Natulinan, Talaingod, makataronganon nga gipatuman ang EO 2002-08.

Gawas sa COVID-19, anaa sab gipahimutang ang Task Force Bantay African Swine Fever (ASF) aron dili makasulod ang mga baboy ug mga by-products gikan sa mga dapit nga adunay ASF.

“Nagsimula po ‘yong pag-conduct natin ng Inter-agency Task Force Bantay COVID-19 kahapon (Marso 17) kasama ang LGU ng Talaingod, MHO, MDRRMC, MAGRO, ang ating mga kapulisan, kasundalohan nagbabantay para matiyak po natin ang kaligtasan ng ating mga kababayan sa Davao del Norte. Nung i-issue yung Executive Order ng ating Kuya Gob Edwin Jubahib, yung pwede nating padadaanin ay yung mga nagbigay ng mga basic services para sa ating mga kababayan. Yung iba naman hindi pwede dahil hindi sila kasama dun sa exemptions,” matod ni Col Valdez sa 56IB Philippine Army.

Kasagaran sa buot mosulod sa probinsya mi-rason nga gipapauli sila kay basin maabtan ug “lockdown” diin kadaghanan maoy taga Kapalong, Talaingod ug Tagum.

Wala hinuo’y labot ang mga personahe ug sakyanan sa COVID-19 Crisis Management and Response Team, emergency vehicle, mga health workers, PNP, Army, supply delivery vehicle, sakyanan ug mga personahe sa gikinahanglan kaayong proyekto sama sa transmission companies human nga magpakita sa hustong pamatuod-ilhanan.

“Nanawagan po ako sa taga Davao del Norte na ito po yung time na dapat maki-cooperate tayo, suportahan natin ang programa ng gobyerno para masugpo natin itong virus na COVID-19. Ang ginagawa po natin ay para sa kaligtasan at kapakanan ng ating mga kababayan,” panawagan ni Col Valdez ngadto publiko nga nagpasabot nga dili kini “martial law” sumala sa “yaga-yaga” sa uban sanglit gilangkoban kini ug daghang ahensya sa gobyerno.

Gilaoman nga adunay “Order” ipagawas ang Regional Inter-agency Task Force aron gyod mapugngan sa pagkuyanap ang COVID-19 nga sakit dinhi sa rehiyon XI diin ang Davao del Norte nasakop. /PICKMO/Noy Gorgonio.

 

 

 

 

 

DavNor News