EPEKTIBO alas 5:51 sa hapon, Marso 16, 2020, gideklarar ni Gobernador Kuya Gov. Edwin I. Jubahib ang probinsya sa Davao del Norte ilawom sa ‘Community Quarantine’ pinaagi sa Executive Order 2020-08 didto sa lungsod sa Carmen.
“By the powers vested in me as Provincial Governor of the Province of Davao del Norte and based on the meeting attended by all mayors. . board members . . 1003rd Commander and all battalion commanders, PNP Provincial Director, representatives of other mayors and all other stakeholders, media, constituted as Inter-Agency Task Force for the management of COVID-19 in the province of Davao del Norte, I hereby declare Executive Order No. 2020-08 an order declaring the entire province of Davao del Norte excluding the Island Garden City of Samal, under Community Quarantine and providing its policies, regulations, sanctions thereof. .” pahayag ni Kuya Gob human sa inter-agency meeting diin ang tibuok deklarasyon gi-broadcast sa DavNor PTV Channel 48 ug One DavNor Network alas 8 sa gabii.
Apil niini ang pipila importante kaayong probisyon sa Executive Order.
Nga ang mga trabahante sa ubang probinsya para sa gikinahanglan kaayong proyekto mahimong mosulod sa Davao del Norte apan mopailawom sa gikinahanglang proseso pag-screen ug isipon ingong Persons Under Monitoring (PUM). Sa ilang pagbalik, moagi sila sa mga checkpoints nga gibantayan sa inter-agency team sa Provincial Health Office (PHO), Philippine National Police (PNP) ug sa Armed Forces of the Philippines (AFP).
Gibawalan sab ang tanang publiko ug pribadong sakyanan sa Davao del Norte nga mogawas sa probinsya, hinuon way labot ang sakyanan sa COVID-19 Crisis Management and Response Team, emergency vehicle, mga health workers, PNP, Army ug mga personahe nga sakop sa team, supply delivery vehicle, sakyanan sa gikinahanglan kaayong proyekto sama sa transmission companies uban ang hustong pamatuod-ilhanan.
Dili sab tugotan ang mga taga Davao del Norte nga motrabaho gawas sa probinsya way labot kadtong mga sakop sa COVID-19 Crisis Management and Response Team.
Ang mga drayber ug helpers sa delivery truck dili tugotan nga mohawa sa ilang sakyanan samtang gihimo ang pagkarga o diskarga nga kinahanglan mopailawom sa “temperature check.”
Ang ubang kalihokan nga wala malista sa Executive Order kinahanglan i-coordinate sa COVID-19 Crisis Management and Response Team.
Apil nga gilatid nga ang mga kompaniya sa Davao del Norte mag-andam ug “flexible work plan” alang sa ilang mga empleyado sumala sa gibaod sa Department of Labor and Employment Labor Advisory 09, Series 2020.
Labot sa pagpalit sa kinahanglanon sa panimalay, ang tanang residente sa Davao del Norte angay magmabinantayon ug kung mahimo usa lang ang mogawas.
Estriktong sab gidili ang pagtago sa mga face masks, “infecting agents,” panic-buying ug pagpakatag sa sayop nga impormasyon ug gitahasan ang Department of Trade and Industry nga mag-implementar ug price-freeze base sa RA 9581.
Apil nga gisuspendi ang mga balay-pangkalingawan (KTV bars, massage, wellness clubs) ug gipatuman ang Curfew ug “Liquor Ban” alas 9 sa gabii hangtod alas 5 sa buntag way labot ang mga medical nga trabahante ug Response.
“This Order shall take effect immediately. Done in the municipality of Carmen, Davao del Norte, Philippines in the 16th day of March, in the year of our Lord 2020,” paniklop ni Kuya Gob nga nagpasalamat sa tanang miembro sa inter-agency task force.
