PAdO DNIPC --- Gibisita sa mga personahi sa Local Government Integrity Circles (LoGIC) Project ang probinsya sa Davao del Norte nga gipanguluhan sa ilang Country Director Dr. Stefan Jost kauban si Mr. Patrick Henry Asinero, Project Manager ug Mr. Jordan Jay Antolin, Project Coordinator for Mindanao kagahapon, Pebrero 14, 2020. Kauban usab nila ang Expert Evaluator nga si Mr. Jaume Guardans gikan sa nasud nga Belgium.

Gitambungan kini sa mga nagkalain laing representate gikan sa Civic Society Organizations, Business Sectors ug ang LGU sa Davao del Norte nga gipangunahan ni Dr. Mervin Jay Z. Suaybaguio, Provincial Information Officer ug Ms. Joevynar M. Miedes, LoGIC Project Coordinator for Davao del Norte.

Tumong niining ilang pagbisita ang makipagdiyalogo ug ang pagsuta ni Mr. Guardans kung unsa ang mga natabang ug ang nadalang kabag-ohan sa maong proyekto dinhi sa atong probinsya.

Gihisgutan usab nila ang posibleng matabang sa maong proyekto para mas mapalambo pa sa ang mga serbisyo sa LGU padung sa katawhan ilabi na sa mga CSOs ug mga negosyante sa atong probinsya.
Gisaysay sa mga mitambong ang mga ilang panaw ug ilang mga nagkalain laing kasinatian sukad nagsugod ang LoGIC adtong tuig 2018.

Ang Local Government Integrity Circles (LoGIC) Project kay usa ka Non-profit organization (NGO) nga gipundohan sa European Union (EU) pinaagi sa Kondrad-Adenauer-Stiftung (KAS) gikan sa nasud nga Germany. Tumong nila nga mas mapalambo ang integridad sa mga LGU para mas mapaduol ug mas musalig pa ang mga negosyante sa atong nasud, ilabi na gayud ang mga langyaw nga investors.

Mabulahon ang atong probinsya kay usa kita sa mga napili nga Partner Province niining proyekto.

 

 

 

 

 

 

 

 

DavNor News