DILI ANGAY MAG-PANIC ang Tagum City ug tibuok Davao del Norte kay hangtod ning pagsulat wala pa’y natala nga “novel coronavirus acute respiratory disease” (nCoV) nga nakapatay na ug sobra 213 sa nasod China ug nakaapektar ug halos 10,000 ka tawo apil ang gikan sa Pilipinas.

Kini ang gibuhiang pamahayag ni Dr. Mitzie Lou C. Osabel, ang Infectious Disease Specialist; Head of Infection Prevention Control Unit/Head of Surveillance Unit/Head of Emerging Infectious Disease Team sa Davao Regional Medical Center (DRMC), Tagum CHO Monitoring Head Dr. Arnel Florendo ug Dr. Joel Padoran, ang SP Committee on Health Chairperson Byernes, Enero 31. 

“This is a novel or new corona virus pero kini nga virus pareho ra sa family sa sip-on, common colds, sa SARS; just that bag-o and is causing respiratory infection. Sip-on, ubo mao gyod na’y common nga simtomas. It so happen nga bag-o ni siya nga virus. . Ayaw’g ka-panic,” matod ni Dr. Osabel nga parehas sa nangagi nga mga sakit, gisugdan na pagtuki ang nCoV aron himoan ug vaccine.

Giklaro hinuon sa doktora nga aduna’y person under investigation (PUI) nga anaa karon sa DRMC under isolation.

“Filipino, gikan siya’g Hongkong and then nag-develop siya ug cough and fever. The person really subject herself nga miadto gyod siya, nag-volunteer, so automatic person under investigation. So far, gihulat nato ang test unsa’y result pero stable ang pasyente. Kung moingon ka’g stable wala na siya’y ubo, wala na’y sip-on, wala na siya’y kalentura. Pero hulaton lang gyod nato ang test result before ta mag-declare,” pagklaro ni Dr. Osabel.   

Gipanawagan sa hepe DRMC Infection Prevention Control Unit/Head of Surveillance Unit nga kung naa’y nag-travel sa China lakip sa Hongkong, Taiwan ug Macau, unya sulod sa katorse ka adlaw mag-kalentura, angay siya’ng magboluntaryo nga patient or person under investigation sa referring hospital nga DRMC. 

Si Tagum Councilor Dr. Joel Padoran nanawagan ilabina sa mga Tagumeños. 

“Mga Tagumeños, dili ni siya meant to scare you but we just want to inform you nga dili ta dapat mahadlok. Daghan nangabot nga mga news nga naa daw sa Tagum, naa sa Davao ang corona. . Again, this is not meant to scare the public but to inform the public on what the city is doing now. . the DOH ug mga ospital sa gobyerno is on top of the situation, so dapat di ta mahadlok,” pagklaro ni Dr. Padoran.

Gipasalig sab ni Tagum CHO Monitoring Head Dr. Arnel Florendo nga gina-monitor gyod nila pag-ayo ang mga taga Tagum nga miadto sa China ug mga lugar nga apektado sa corona. 

“Kami sa City Health Office active ta nag-monitor sa mga Persons-in-Interest following sa mga protocols; naa ta’y checklist nga gina-follow kung nagkalentura ba siya ug mga simtomas. Naa na ta’y na-identify karon. . I would like to remind the public nga dili ta mahadlok kung naa man galing magsuroy sa inyoha, mag-conduct ug surveillance, please ayaw mo kahadlok ana kay this is just for monitoring purposes. . para lang gyod maseguro nga wala gyo’y makasulod dinhi sa atoa,” pasalig ni Dr. Florendo.

Bahin sa gikaingon nga “out-of stock” na ang mga face masks sa Tagum City, tungod kini kay gi-donate didto sa mga biktima sa pagbuto sa Taal Volcano.

Hangtod ning pagsulat adunay gikataho nga sobra traynta ka tawo sa Pilipinas ang gikaingong persons under investigation sa corona virus.

DavNor News