GIPASIDUNGGAN sa probinsyal nga panggamhanan ni Gobernador Edwin I. Jubahib (Kuya Gob) ang mga empleyado sa DavNor Kapitolyo ingong pagtapos sa tibuok bulan nga pag-obserbar sa ika 119 nga selebrasyon sa Civil Service Month.
Miabot ug tres cientos baynte (320) ka mga indibiduwal ug departamento lakip na ang traynta’y tres (33) nga miretiro ang gipasidunggan tungod sa daghang dekada sa pagserbisyo.
“On behalf of the officialdom of the Province of Davao del Norte, I would like to convey my warmest congratulations to our awardees. Your firm commitment to public service has contributed a lot to both the dynamism of our Capitol bureaucracy and the development of our province. Our personnel poured their talent and energy into the work of building a new Davao del Norte, in this era of servant and transformational leadership,” pangbukas nga mensahe ni Kuya Gob ilabina sa mga awardees.
Sa unang adlaw sa paglingkod ingong gobernador niadtong Hulyo 1, gideklarar dayon ni Kuya Gob nga libre na ang tanang serbisyo ug tambal diha sa mga hospital sa gobyerno sa Kapalong, Carmen ug IGACOS lakip na ang DRMC sa Tagum ug SPMC sa Davao City. Magtukod sab ug dugang lima ka primary hospital sa Asuncion, New Corella, Talaingod, Sto. Tomas ug Panabo City aron gyod matubag ang pangunang problema sa panglawas. Ug aron dili mahutdan ug pondo, iyang gipahibalo ang panginahanglan nga “mag-negosyo” ang gobyerno ilabina ang pag-quarry.
“Ang kita ani para ra sa atong mga hospitals, mga tambal ug uban pa nato nga mga social services nga i-deliver sa atong mga barangay labina sa atong mga less fortunate nga mga igsoon. Wa gyod ko’y laing tuyo sa akong pagka-governor karon-- nga ma-deliver lang nato ang mga basic needs nga dugay nang gipangandoy sa atong mga kaigsoonan. Mao na nga mohangyo ko sa inyoha nga magtinabangay tang tanan. Dako kaayo ko’g kalipay nga adunay mga empleyado nga mihimo ug extra miles sa ilang pagtrabaho ug dako pod ko’g kalipay sa mga empleyado ug elected officials nga nagkahiusa gyod ta in one direction to serve our province of Davao del Norte,” pasabot ni Kuya Gob.
Ug bisan pa sa maayong sinugdanan sa iyang administrasyon, giawhag gihapon ni Kuya Gob ang tanang empleyado nga himoon ang ilang trabaho bisan kung walay nagtan-aw.
“The Provincial Government needs your continued dedication, excellence, and integrity. On this note, I challenge everyone to keep our dignity intact in the performance of our duties and responsibilities. We owe it to the Dabaonon people to keep our integrity and to be accountable at all times. Let us take our jobs seriously and do the right thing even if nobody sees us,” pagtiklop sa mensahe ni Kuya Gob . nga wala na makahulat sa awarding tungod sa importante kaayong lakaw sa Sto. Tomas.
Ang ika-119 nga Civil Service anibersaryo adunay tema nga “Civil Service at 119: Upholding Integrity and Building a High-Trust Society.”
