GIAWHAG ug gipanawagan ni Bise Gobernador Rey T. Uy ang tanang empleyado lakip na ang mga elected officials nga kinahanglan magkinabuhi ingong ehemplo (lead by example) diha sa pagpanarbaho.

Sa convocation program Lunes, Septyembre 2 nga gipangunahan sa Opisina sa Bise Gobernador ug Sangguniang Panlalawigan, prangka nga gipahayag ni Bise Gob Uy ang iyang namatikdan nga bisan sa simple nga flag-raising kadaghanan wala mag-obserbar niini.

“To be honest with you, to me is not a pleasant good morning. Why? A simple flag-raising ceremony di gani mang-attend. . I see to it in myself nga every flag-raising naa gyod ko. To lead by example, live by example. Tanang politicians naa pod aron ang mga empleyado mo-join pud sa flag-raising. Ako man gud ginaihap, sa flag-raising almost 30%. Ngano man? Wala ta’y enthusiasm to work? A simple flag-raising ceremony di gani mo-attend? Kita dapat sa mga opisina we should attend flag-raising ceremony para naay mga maayohon para sa inyoha ganahan pod mi tag-Sanggunian nga mo-approve kay hapit nang Disyembre,” pagklaro sa bise gobernador.

Gawas sa flag-raising giawhag ni Bise Gob Uy ang pagdaginot sanglit ang ilang hiniusang programa nila Gobernador Edwin I. Jubahib (Kuya Gob) nga “zero-billing” diha sa tanang publikong hospital kauban sila Kongresman Pantaleon Alvarez ug Alan Dujali nagkinahanglan gayod ug dakong kantidad.

Giawhag ni Uy nga magdaginot diha sa paggamit ug mga supplies, mga trainings ug seminar kun kinahanglanon lang ug ilabina ang paggamit sa koryente.

“Kining atong konsumo sa koryente, that is a hard-earned money nga atong gibayad nga tax nga dapat kitang tanan moalaga nga naa pod ta’y concerns sa mga properties ug expenses sa gobyerno. Everybody kung maka-save ta ug thirty minutes dakong bagay na. Mo-reduce ang atong consumption sa power,” dugang pag-awhag ni Uy nga naghisgot sa “angayan lang” nga paggamit sa aircon ug nag-awhag sa Accounting department nga i-review ang billing labot sa mga charges sa power supplier.

Lakip nga gipanawagan nga ipa-review ni Uy ang “insurances” sa mga sakyanan ug mga bilding aron gyod makadaginot nga naghisgot sa iyang kasinatian nga nakadaginot samtang siyam ka tuig siya nga mayor sa Tagum City.

“Starting today save gyod ta for support sa programa ni Kuya Gob kanang “zero-billing.” Sa atong ma-save nga how many millions pila na ka pasyente ang matabangan. So kitang mga empleyado sa gobyerno atong ibutang sa atong dughan nga kita ang tag-iya sa gobyerno. Let us all be concerned,” panawagan ni Bise Gobernador Rey Uy.

Ang kasamtangang administrasyon ni Kuya Gob Edwin ug Bise Gob Uy nagsinggit sa “One Team, One DavNor” nga palisiya alang sa kalamboan.

DavNor News