GITAPOK sa probinsyal nga administrasyon ni Gobernador Anthony del Rosario pinaagi sa DavNor Cooperative Development Division ang mga gagmay ug dagkong kooperatiba aron makanunot sa mga kabag-ohan sa programa dala sa Cooperative Development Authority (CDA), Department of Labor and Employment (DOLE) ug Social Security System (SSS) Lunes, Abril 29.
“Amo ning gipahigayon because this is very important for us. Nga gikinahanglan kuhiton gyod mo, tabangan mo sa among opisina. Kung unsa ang problema, unsa nga report ang kulang so that we can assist kay mao na’y among role dire sa opisina to assist the cooperatives. Gikinahanglan nato nga atong buhaton kay nagpa-rehistro man ta sa kooperatiba. Obligasyon na nato. Kung bug-at, pagaanan nato. Mao na’y isa nga gihisgotan with the Cooperative Development Authority. Nasayod ta nga dili ta maka-access any assistance sa government kung dili ta organized. Only in the cooperatives nga dunay guidelines nga dili na ta mag-problema,” pasabot ni Ms. Annabelle J. Bañaga, ang Senior Cooperative Development Specialist sa tuyo sa panagtapok.
Tungod sa di pa lang dugay nga pagpirma ni Presidente Rodrigo Duterte sa RA No. 11129 kun SSS Act of 2018 ug RA 110581 alang sa panarbaho, daghan ang nahimong kabag-ohan sa SSS ingon man sa DOLE.
Dugang gipasabot ni Bañaga nga gikinahanglan gayod nga masayran ang mga kabag-ohan gikan sa mga ahensya nga langkit sa pang-kooperatiba.
“I just hope nga ang small, medium, large miapil sa pakiglambigit sa CDA nga motabang ngadto sa micro. Gidala namo karong buntaga other agencies who have cooperative programs kanang makatabang sa atong kooperatiba like the updates in Department of Labor and Employment. Nasayod ta naay bag-ong balaod ron. Kitang tanan mo-comply. . and, naa pod ta’y SSS tungod i-update ta sa atoang obligasyon ngadto sa atong sa atong mga employado. . Our legal obligations, mga liabilities of an employer sa RA 11129, SSS Act of 2018. . We in the cooperative have to comply this because it is our obligation sa atoang mga employees,” padayong pasabot sa Sr. Coop Development Specialist.
Namatikdan nga adunay pag-ubos sa gidaghanon sa “aktibo” nga mga kooperatiba gikan sa 406 niadtong 2016 nga nahimong 275 na lang pagka sunod tuig. Alang sa 2018 padayon pa kining gisusi sa CDA.
“Giapil mo namo aron dili na intawon moluhod ning atoang kooperatiba. Unsaon nato pagduol sa assistance, unsaon nato paghatag ngadto sa atong miembro sa assistance kung dili ta mabuhi ug wa ta ka-sustain sa atong kooperatiba. So duol mo sa among opisina because that is our obligation, that is our mandate. So mao na’y hisgotan karong buntaga manghinaut ko nga ang tanang mahisgotan dire interesting for you because all of these Republic Acts are basis 2018. Mao na ang atong importansya karon.
Ang Cooperative Development Authority (CDA) kusganon sab nga nagpahinumdom nga i-comply gayod ang mga dokumento nga gikinahanglan aron dili ma-klasipikar ang usa ka kooperatiba nga “dili aktibo.”
