PAKUSGAN pa sa probinsyal nga panggamhanan sa Davao del Norte ang pagtabang sa mga gagmay’ng negosyo (micro entrepreneurs), gagmay’ng kooperatiba alang sa kalamboan sa ilang mga miembro.
Kini ang gibutyag ni DavNor Sangguniang Panlalawigan vice-chairman Committee on Cooperatives Senior Board Member Rodolfo “Rodney” del Rosario, Jr atol sa “Cooperative Forum on CDA, DOLE and SSS Program Updates” kagahapon Lunes, Abril 29.
Nga nakahimamat mismo ug tindera nga ang puhunan inutang gikan sa “5-6” nga tigpuhunan, napanday ni BM Rodney ang dugang buhaton alang sa mga gagmay’ng negosyante ug gagmay’ng kooperatiba.
“Kinahanglan atong tabangan atoang mga micro entrepreneurs especially yung nag-solo lang magnegosyo nga maka-establish. Dire sa atong probinsya atong i-prioritize ang pagtabang sa mga micro entrepreneurs and of course proprietors nga bag-o nagnegosyo, mga pasilidad, credit facility gikan dire sa atoang capitol. Naay wala pa’y credit history. Kung walay credit history, walay collateral, medyo lisod para makautang. Ang plano nato nga maghatag ta ug credit assistance sa mga negosyante nga nagsugod pa lang. So yan ang atong programa sa July 1. Naay budget set aside para sa atoang negosyante, associations, mga cooperatives kailangan ng funding,” matod ni DavNor SP Committee on Cooperative vice-chair atubang sa mga miembro gikan sa 28 ka mga kooperatiba.
“Ang plano nato para dili bug-at wala na kami mag-charge ug interest, zero-interest. Bayaran lang nila ang principal based on daily cash flow nila. Yun lang ang basehan nato kung paano ang pagbayad o pag-amortize,” dugang pagbutyag ni BM Rodney nga gikalipay pag-ayo ilabina sa gagmay’ng kooperatiba.
Gikan pa sa 2009 sa administrasyon ni kanhi Gobernador Rodolfo del Rosario, Sr. natukod na ang Davao del Norte Credit Surety Fund nga nagtabang sa mga koop.
“Nadungog na ninyo ang Davao del Norte Credit Surety Fund, gamit na ng ating mga kooperatiba lalo na nang mga agricultural cooperatives. Dugay-dugay na rin ito, establish thru the assistance of Land Bank. Ang total nga gihatag sa atoang provincial capitol nga tabang is over 100 million pesos. Plano ng atong probinsya nga dagdagan nato ang credit surety fund hopefully 15 to 20 million para maka-avail ang atoang mga cooperatives, mga associations dire sa Davao del Norte,” pagtug-an ni RDR, Jr. sa plano sa komite.
Ingong vice chairman sa komite sa kooperatiba, gidasig sa senior board member ang mga opisyales nga tarungon gayod ang pagdumala.
“Kung maayo lang pag-manage ng ating kooperatiba talagang maayo ang kalamboan at saka kaugmaon. So i-manage nato’g maayo ang mga cooperative. Kabalo mo naay mga cooperative dili nag-succeed, so let’s not forget unsa’y mga mistakes, gihimo nga dili nag-succeed. Use that as a lesson para sa mga cooperatives nato nga nia dire karon. Tuloy-tuloy ang pagpadagan para modako, molambo ang inyong negosyo kasama syempre ang inyong mga miembro. Importante kaayo na,” pag-awhag ni RDR, Jr.
Atol sa Forum, gihisgotan ang mga bag-ong probisyon diha sa CDA, SSS ug DOLE labot sa mga butang pang-kooperatiba.
