Opisyal na nga gi-turnover ang P61.935 milyones nga proyekto nga gipondohan sa Philippine Rural Development Project (PRDP) uban ang probinsyal nga kagamhanan sa Davao del Norte ug syudad sa Panabo City, Byernes, Septyembre 4, 2017.
Ang rehabilitasyon ug pag-konkreto sa 8-kilometros farm-to-market road nagsumpay sa mga barangays sa Little Panay-Katipunan-Kasilak, pulos sakop sa Panabo City ug naghatag benepisyo sa halos 10,000 nga populasyon sa maong lugar ug makaapektar sa sobra 1,734 ektaryas nga pananom sa saging, lubi, prutas, humay ug uban pang produkto sa uma.
“Tulo na ka tuig ang milabay, isa ako sa nag-validate niining dalana. . . Ma-remember nako bandang hapon na to siya, duha ra gyod kabuok ang among natagbo nga sakyanan. . duha ra gyod among natagboan tungod kay di pa siya sementado, graba lang siya. Pero karon daghan na gyod ang naggamit sa dalan. . kung naay inprastraktura mao gyod na siya ang magpasugod sa kalamboan. . pero para sa amoa sa PRDP ang among tumong gyod is kadtong nagatikad sa bukid, ang atong mga farmers,” matod ni Engr. Karl Anthony Orbe, ang Roads and Bridges specialist sa Department of Agriculture XI nga nagtutok sa PRDP project.
Mapasalamaton sab ang gobernador sa presente nga administrasyon sa mapinadayonon nga pagbubo ug proyekto alang sa Davao del Norte.
“We are here in Panabo inaugurating this very important project for the three barangays kining atong PRDP road which cost 60 plus million pesos. . This is one of the program which does not only deal with infrastructure roads but also developing farming industry. It’s a good program of the national government and that is why we’re very thankful to the Department of Agriculture, and of course to our president, President Rodrigo Duterte for continually supporting our programs here in Davao del Norte,” pahayag-pasalamat ni Gob del Rosario atubangan sa mga opisyales ug mga lumupyo ug gikan sa tulo ka barangays sa Little Panay, Katipunan ug Kasilak .
Bisan kung ang mga proyekto sa PRDP adunay mga ‘counterparts,’ andam nga mitugbang ang mga LGUs sa Davao del Norte bisan pa man kung milyones ang kantidad alang sa dugang kalamboan ilabina sa mga mag-uuma.
Niadtong Hulyo 25, 2017, giila ang Davao del Norte ingong “trendsetter” sa pag-implementar sa mga proyekto City gikan sa RPCO-XI Coordinator atol sa PRDP RPCO-PPMIU 2nd Quarter Coordination Meeting didto sa Lakan Pakals, Tagum.
Kasamtangan adunay 6 pa ka mga proyekto ilalom sa PRDP nga padayong gi-implementar sa administrasyon ni Gobernador Anthony del Rosario: rehabilitasyon sa Capungagan-boundary San Miguel farm-to-market road, New Visayas-Binancian farm-to-market road, Sto. Niño-Igangon farm-to-market road, Poblacion Datu Balong-Purok Mamalian farm-to-market road, Poblacion Limbaan-Suawon-Macgum farm-to-market road, ug Esperanza-Poblacion Sto. Tomas farm-to-market road.
