Malampuson ang gipahigayong tulo ka adlawng Updating of the Provincial Development and Physical Framework Plan (PDPFP) sa Probinsyal nga Panggamhanan sa Davao del Norte, sa DGLM City Escape Inland Resort, Cuambogan, Tagum City.

Gipangunahan kini ni Engr. Maria Hazel Zafra, ang Acting Provincial Planning and Development Coordinator ug gitambongan sa mga Planning Officer sa mga Local Government Units sakop sa Davao del Norte ug mga represetante gikan sa mga departamento sa kapitolyo.

Sumala ni Engr. Zafra nga gihimo ang maong seminar/workshop aron pag-update sa mga kasamtangang plano sa probinsyal nga panggamhanan nga sarang magamit sa padayong paglambo sa probinsya. Dugang niya nga ang PDPFP mao ang inahan sa tanang mga plano, gumikan kay dinhi nakalatid ang tanang mga planong pangkalamboan sa probinsya.

“Ang PDPFP maoy basehan sa atoang Provincial Development Investment Program ug ultimately ang atong popular nga annual investment program o ang ginatawag nato og AIP. So, unsa diay kaimportante ang PDPFP, kay mao man diay nay basehan sa AIP and ultimately ang atoang budgeting og ang atoang implementation sa atong mga programs. Now without PDPFP wala tay rason nganong naa tay kinahanglan nga mga programs, projects and mga activity. So, mao na ang kaimportansya sa PDPFP. And of course, mao pud na ang basis sa atong public financial management assessment na kinahanglan naay vertical linkage ang kining maong mga plan,” pagsubay ni Engr. Zafra.

Ang PDPFP nagtinguha nga matubag ang mga panginahanglan sa kalamboan sama sa pagkadaut sa kinaiyahan, pagdagsang sa mga informal settlers, pagtino alang sa mga peligrong dapit nga haduol sa kalamidad, kakulang sa tubig ug sanitasyon, ug daghan pang uban.

Writer/Photos: Nestor Mata, Jr.

 

 

 

DavNor News