Gipangonahan ni 2nd District Congressman Alan R. Dujali ang pakipagpulong sa 35 ka mga presidente sa mga nagkalain-laing asosayon aron mapahibalo ang iyang mga programa para sa mga drayber sa siyudad.

Matod pa ni Congressman Dujali, naapektuhan ang panginabuhi sa mga drayber nilabi na nga gamay na lang ang gitugot na musakay tungod sa pandemya.

Tungod niini, plano ni Congressman Dujali nga tagaan ug sustainable livelihood program ang mga drayber pinaagi sa pagpondo sa ilang mga nagkadaiyang asosayon aron naay magamit na capital na mapahimoslan sa mga miyembro pag abot sa panahon.

Matod pa ni Mario Sambalilo, presidente sa Hugpong sa Tag-iya ug Pedicab Driver sa Panabo Federation Incorporated (HUTPIDPAPI), dako ang iyang pagpasalamat sa suporta ug sinserong tabang ni Congressman Dujali sa iyang girekomendar na programa alang sa mga drayber nga naglisod karong panahona.

Anaa sab ang presensya ni Executive Assistant Christian "Chan" M. Dujali ug Barangay Affairs Focal Person Alan "Tonok" Bascon.

 

 

 

DavNor News