Sa wala pa mahuman ang tuig 2020, napanalanginan ug 1000 kabuuk nga “lootbags” ang probinsya sa Davao del Norte gikan sa 7/11 ug PhilSeven Foundation Inc. Ang isa ka “lootbag” mikantidad ug 500 pesos nga adunay sulod nga bugas, tubig, de lata, noodles, face shield, alcohol ug uban pa nga magamit sa pang adlaw-adlaw.

Sulti ni Kuya Gob Edwin I. Jubahib nga ipang apod-apod ang mga lootbags sa mga kaigsuunan natong mga IPs sa Gupitan, Kapalong ug Talaingod sa dili madugay nga panahon. Hangyo usab sa gobernador nga tungod sa atensyon ug pag-amuma sa administrasyon nga ginapabati sailaha, dili na sila pa mag pasakop sa NPA.

Ang donasyon nahimu tungod sa gipahigayon nga Virtual Fun Run sa maong kompanya ug sa tabang sa LYR Group of Companies naila ang probinsya sa isa sa mga benepisyaryo kon dako ang nahatag nga suporta sa mga Dabaonon sa 7/11 ug kini ang ilang nahimong pamaagi sa pagpakita ug pasalamat.