Gimugna sa unang higayon ang One Davnor Youth Movement nga nakasentro sa temang “I am the CHANGE, WE are the FUTURE.” Gipahitabo kini sa mga lungsod sa Santo Tomas ug Asuncion sugod niadtong Oktobre 8 hantud 9 tuig 2020.
Ang gipahitabong konperensiya gipangunahan sa Probinsyal nga Panggamhanan sa Davao del Norte alang sa mga miyembro Sangguniang Kabataan ug uban pang mga Youth Organization isip suporta sa probinsya sa mga lakang pangkalamboan niini.
Gisugyot ni One DavNor Youth Movement (ODYM) Youth Coordinator Erwin Bastasa ang maong programa aron matagaan ug pagtagad, mapakusgan ang pagsalig sa kaugalingon ug mapalambo pa ang nagkadaiyang abilidad sa mga kabatan-onan.
Dugang niini, ang ODYM muhatag ug suporta sa mga programa ni Kuya Gov Edwin I. Jubahib labi na sa DavNor KAAGAPAY (KAusa sa AGrikulturA ug PAnginabuhian sa barangaY) ug alang sa nasudnong programa nga Ending Local Communist Armed Conflict (ELCAC).
Ang maong kalihokan gitambongan nila SK Provincial Federation President Emerson Dave A. Silutan, Santo Tomas Mayor Ernesto Evangelista, Asuncion Vice Mayor Joel Camello, Santo Tomas SK Municipal Federation President Bernadeth Eugenio, Santo Tomas ODYM President Krisdhel Guillera, Asuncion ODYM President Dhanny Halabaso ug Mr. Clarence Dela Cerna sa Provincial Governors Office nga nagrepresenta kang Kuya Gov.
