Giandaman na og disenteng mga balay ang mga IPs nga anaa pa sulod sa UCCP-Haran sa Davao City aron duna silay mapuy-an inig-gawas nila sa maong institusyon.
Gipangunahan ni Kuya Gob Edwin I. Jubahib ug Sec. Carlito G. Galvez, Presidential Adviser on Peace, Reconciliation and Unity (PAPRU), ang groundbreaking ganina sa pabalay sa mga IPs sa Sitio Tibucag, Dagohoy, Talaingod, Davao del Norte, 80 kilometros gikan sa Tagum City.
Gitawag ni Kuya Gob ang proyekto nga “Bahay Pangkapayapaan”, diin 125 ka mga balay ang itukod sa pondo nga P11.25 million gikan sa Office of the Presidential Peace Adviser on the Peace Process-PAyapa at MAsaganang PamayaNAn (OPAPP-PAMANA) Program, ubos sa “whole-of-nation approach in ending local communist armed conflict (ELCAC)" ni Presidente Duterte.
“Gusto na natong papauli-on ang atong mga kaigsoonang IPs, nga anaa pa sa UCCP-Haran, dinhi sa ilahang yutang natawhan sa Sitio Tibucag,” sulti sa gobernador. “Mao nga giandaman na nato sila sa ilang pinuy-anan nga disente kung mogawas na sila sa maong institusyon.”
Apil ang kuryente, tubig-mainum ug panginabuhian sa maong proyekto, nga alang usab sa ubang IPs nga nawad-a'g balay tungud sa insurhensiya.
Sulti ni Kuya Gob nga nagapakita kini nga ang gobyerno karon nagpakabana na ug naghunahuna sa tinuoray nga pagtabang sa atong mga kaigsoonang IPs ug mga sektor nga nagpabiling naglisod.
Ingon sab si Galvez nga pinaagi sa maong proyekto, gusto sa gobyerno nga mag-uban na ang mga pamilyang IPs, nga nagkatibulaag tungud sa sitwasyon sa Haran.
“Pinapangako namin na ang inyong mga kamag-anak ay magsamasama na... Hindi natin hahayaan na kayo ay magkakahiwalay at magamit ang inyong kahinaan para sa hindi magandang binabalak para sa mga IPs,” sulti niya.
Gipahayag ni Eastern Mindanao Command (EastMinCom) Commander LtGen. Jose Faustino Jr. nga angay jud motubag ang Haran sa mga pagpang-abuso ug pagpanghimulos nga ilang gihimo sa mga IPs.
Kahinumduman nga pila na ka semana ang milabay gikasohan sa pipila ka IPs ang mga pamunuan sa Haran sa kaso sa human trafficking, kidnapping ug uban pa.
“Dapat panagutan ng Haran ang kanilang ginawa, paano nila in-exploit ang mga katutubong IPs, gaya ng pagdala sa Manila para mag-rally at iba pang pag-exploit na kanilang ginawa,” sulti niini.
