Atol sa unang Virtual Flag Ceremony sa bulan sa Setyembre sa Probinsyal nga Panggamhan sa Davao del Norte, giselebrar usab ang ika 120 ka tuig sa Philippine Civil Service pinaagi sa mensaheng gihatag nila Dr. Nancy A. Tuason CSC Field Director, Davao del Norte ug Kuya Gob Edwin I. Jubahib, Setyembre 7.

“We should be happy working in the government because not everybody is given this privilege”, matod pa ni FD Tuason sa iyang mensahe alang sa mga empleyado sa gobyerno. “Highlight” sa anibesaryo ang pag-ila sa mga mabulokong nabuhat sa mga empleyado isip paghatag ug importansya sa mahinungdanong ug maayong serbisyong pampubliko.

“Atong gipakita nga sa tanang panahon andam kita muhatag ug serbisyo sa katawhan ug sa nasud nga atong gipanumpaan nga alagaran”, saysay ni Kuya Gob sa pakig-uyon sa temang, Philippine Civil Service @ 120: Public Sector in the Age of Digital Transformation. Iya sab gihatagan ug bili ang mga nabuhat sa mga public servants ilabi na sa mga “fronliners”.

Magpasiugda ug awarding ceremony ang Philippine Civil Service Davao del Norte sa mga “outstanding” nga mga empleyado sa kada opisina ug departamento sa Probinsyal nga Panggamhanan lakip sab sa mga nagkadaiyang LGU nga nasakop sa probinsya. Kini pagahitabuon sugod karon nga semana.