SULOD sa unang lima ka bulan, gipahiluna sa Davao del Norte Revitalized-Pulis Sa Barangay (RPSB) ang “pundasyon sa kalinaw” diha sa mga Geographically Isolated Depressed Areas (GIDAs) sa bukirong bahin sa lungsod sa Talaingod.
Gikan Marso hangtod Hulyo, ang unang RPSB batch malampusong nakatukod ug mga Peoples Organization sama sa Nasilaban Tatag Farmers Association (Cardava farming sa Sitio Nasilaban), Womens Handicraft ug Single Motor Drivers Association ug nagtudlo sab ug lain-laing livelihood projects sa mga Ata-Manobo.
“Ang RPSB or Revitalized Pulis Sa Barangay usa ka ehemplo, for police officers were not only sent to remote communities to maintain peace. They also execute other aspects of police works, delivery of important services to win the hearts and minds of our people, an important aspect in winning this. . . Sa akong na-obserbahan isip usa ka tuig kapin nga governor sa Davao del Norte, nakita nako unsa ka-kalipay ang gibati sa mga kaigsoonan IPs nga sila karon ang naka-sentro sa atong paningkamot. I congratulate the successful tour of duty of our first batch of RPSB. You have helped extend clear message to IP communities that true government truly cares for them and only after their welfare and development,” pahalipay-mensahe ni Gobernador (Kuya Gob) Edwin Jubahib sa nalampos sa RPSB nga dakong tabang sa implementasyon sa EO 70, Ending Local Communist Armed Conflict kun ELCAC.
Ang ilang tinud-anay pagtabang sa mga IPs namatikdan gayod sa mga rebelde. Atol sa Relieving of First Batch ug pormal Send-off sa Second Batch RPSB ceremony “gidawat” ni Kuya Gob ang surrenderee.
Gipasibaw ni Provincial Police Director Ranie Hachuela ang rason sa kanhi NPA nga miembro sa Pulang Bagani Command 1 dala ang M16 rifle, mga bala ug IEDs.
“Nakita niya ang kaseryosohan sa gobyerno sa paghatag ug tsansa sa mga kaigsoonan nga magbag-o ug makighiusa alang sa paglambo sa lugar,” pagkutlo ni PD Hachuela sa rason sa mi-surender.
“Challenge accepted” ug desidido ang Second RPSB batch nga i-“maintain” ang nasugdan maayong programa ug pakusgan pa ilabina ang edukasyon ug panginabuhian sa mga IPs.
“I-maintain namo ang mga programa ug sa amoang team nagsabot mi nga mangita pa ug laing proyekto para madugang sa existing . . . Sa mga training before mi gi-deploy gitudloan mi nga mao na’y pangbuhaton, strategy, techniques para mapasunod sila. . . ug bisan hawaan pa nato ang area, ma-sustain nila ang panginabuhian ug ang pag-prevent pagsulod sa mga kalaban. . . Pakusgan ang livelihood, edukasyon kay sa ana nga paagi educated, plus naa sila’y kita, malabo na silang sudlan, malabo na silang balikan sa atong kalaban,” matod ni RPSB 2nd batch Team Leader P/Lieutenant Roland Rubion.
Sama sa nag-unang batch sa RPSB, gipasalig ni Kuya Gob Edwin Jubahib ang iyang todo-suporta aron lang gyod mahatod ug mapadayon ang pagtabang sa mga Ata-Manobo didto sa mga Sitios sa Talaingod.
