Isip timaan sa temang "Panaghiusa sa Pagbangon", gisugdan kaganihang buntag ang regular nga Monday Flag Raising Ceremony apan subay kini sa new normal kung diin ang matag departamento sa kapitolyo, anaa lamang sa ilang mga opisina nag-atubang sa ilang computer aron musalmot sa seremonyas sa virtual nga pamaagi.
Dili lamang ang mga empleyado sa kapitolyo ang nakasaksi sa seremonyas kay kini gipagawas sa Radio 91. 1 FM, PTV DavNor Channel 48 ug One DavNor Network Facebook page.
Gipakita sa mga empleyado nga dili babag ang hulga sa COVID-19 aron ipakita ang pagmahal sa nasud, sa probinsya ug sa serbisyo publiko nga mapakita ug mapabati pinaagi sa buhat ug sa pagrespeto sa mga sagradong seremonyas sama sa pagsaka sa bandila ug pagkanta sa nasudnong himno.
Magpadayon ang Virtual Flag Raising Ceremony hangtod nga wala pay mando sa Inter-Agency Task Force for COVID-19 nga pwede na makabalik ug tapok ang katawhan.
