Subay sa programa nga malungtarong agrikulura nga DavNor Kaagapay o (KAwsa sa AGrikultura ug PAnginabuhian sa baranagaY) ni Kuya Gob Edwin I. Jubahib, sugdan na sa dili madugay ang Coffee and Abaca production sa Davao del Norte kauban ang mamahimo niini nga mga partners nga ACDI-VOCA, Department of Trade and Industry, Department of Agriculure ug mga private partners nga andam mupalit sa abot sa mga mag-uuma.

Napili ang lungsod sa Talaingod sa unang pag-implementar sa maong proyekto hinungdan sa maayo niining klima ug topograpiya sa yuta diin mao ang kinahanglan sa pag-ugmad sa maayong kalidad sa kape ug abaca.

Sa laing bahin, alang sa abaca production project, madasigon nga nilaom si Joy Soo nga mahimong malungtaron ang maong partnership kay anaa ang giya sa probinsyal nga panggamhanan sa Davao del Norte ug lokal nga panggamhanan sa Talaingod, maayo nga kalidad sa raw materials ug taas ang demand niini ilabi na sa international market. Kahinumduman nga si Joy Soo ang nitabang sa probinsya aron mailhan ang MUSA Frabric nga ginama gikan sa saging.

Alang ka Municipal Administrator, Clifford Libayao ang maong proyekto dako ug ikatabang alang sa kausaban sa kinabuhi sa katawhan sa Talaingod ilabi na ang mga miyembro sa Indigenous People.

Giklaro ni Assistant Provincial Administrator for Operations Engr. Hazel Zafra nga ang mga proyekto, alang sa tanang kwalipikado nga mga Local Government Units ug dili sa Talaingod lamang.

Sa kasamtangan, ang DTI kauban ang ACDI-VOCA magapahitabo ug adaptive training approach alang sa mga mag-uuma ug mga interesadong indibidwal nga gusto makakat-on sa produksyon sa kape pinaagi sa usa ka programa sa Provincial Information, Communication and Knowledge Management Office sa Davao del Norte nga madungog sa DXNR Radio 911 FM ug makita sa PTV DavNor Channel 48 matag biyernes alas 9 hangtod alas 10 sa buntag nga magsugod karon nga semana.