UNAHON paglimpyo sa Davao del Norte Police Office (DNPPO) ug Philippine Drug Enforcement Agency (PDEA) ang ilang kaugalingong opisina batok illegal nga paggamit sa druga.

Sa usa ka interbyu atol sa Biz Talk at Big 8 Corporate Hotel niadtong Martes, matod ni Police Provincial Director Senior Superintendent Ferdinand Sifuentes nga mismo ang ilang opisina naghimo ug random drug testing sa tanang personahe sa DNPPO ug padayon matag karon ug unya.

“Yes of course. Upon proclamation of our Chief PNP we have already started the cleansing. Even in the province effective July 1, we have started conducting random drug test for personnel in the province and that is a continuing activity,” matod ni PD Sifuentes.

Sa inisyal nga random drug testing, 2 dayon ka mga polis nga anaa sa DNPPO ang kompirmadong naggamit sa gidili nga druga. Ug labot sa aksyon nga himoon, matod ni PD Sifuentes nga maong mga polis nag-atubang ug administratibong kaso ug pagkatangtang sa serbisyo.

“So far as of this time we have recorded two personnel from Davao del Norte who are positive, and accordingly, after that findings we already have instituted administrative charges against them,”. . . . .
Yes because we will not file the administrative charges unless we have to confirm first the result of the drug test,” saysay sa probinsyal nga hepe sa kapolisan.

Dugang pasabot usab sa police Provincial Director nga human sa random drug testing nga gihimo sa DNPPO, ipadayon nila kini ngadto sa mga municipal police offices sa tibuok probinsya. Ang tanang polis nga masakpan nga magpositibo sa illegal nga druga dili na makabalik sa serbisyo bisan pa man kung mopailawom kini sa rehabilitasyon.

Sa bahin sa PDEA, gipasabot usab ni Provincial Director Claudito Caῆada nga sa matag karon ug unya kanunay silang nagahimo ug “paglimpyo sa sulod” sanglit sila ang nangunang ahensya sa kampanya batok illegal nga droga.

“Actually every now and then kadtong wala pa nagasugod ang atong bag-ong president, naa na mi internal cleansing. Every month, nag-conduct mi ug random drug test. Once mag-positive ka, automatic termination, tanggal ka sa serbisyo. Kasi nakakahiya, kami ang lead agency,” matod ni Caῆada.
Hinuon magarbohon si Caῆada nga sa mga personahe sa PDEA ubos sa iyang pagdumala, walay bisan usa ang nakaplagan nga positibo nga naggamit sa illegal nga droga. (pioDavNor)

DavNor News