Baynte-kwatro (24) ka desktop computer units ang gidonar sa National Commission on Disability Affairs (NCDA) alang sa mga Persons with Disability (PWDs) sa mga probinsya sa Davao del Norte ug Davao de Oro. Ang turn over ceremony gipahitabo sa Balay Silangan Reformation Center, Mankilam, Tagum City niadtong Oktubre 25, 2022.

Si Mr. Randy Calsena, NCDA Regional Program Coordinator nagkanayon nga ang mga complete desktop computers gituyo sa pag-apod-apod ngadto sa mga lokalidad labi na sa Persons Disability Affairs Office aron magamit sa pagrehistro ug pag-encode sa mga importanteng data sa mga PWDs.

Gitataw niya nga ang pagrehistro sa mga PWDs importante kaayo aron sila kahatagan og I.D. ug makadawat sa mga prebilihiyo ug benepisyo sa mga nasudnong programa sama sa 20 porsiyentong diskwento sa mga produkto ug serbisyo ug uban pa.

"𝘐𝘯𝘪-𝘦𝘯𝘤𝘰𝘶𝘳𝘢𝘨𝘦 𝘢𝘯𝘨 𝘢𝘵𝘪𝘯 𝘱𝘰𝘯𝘨 𝘮𝘨𝘢 𝘭𝘰𝘤𝘢𝘭 𝘨𝘰𝘷𝘦𝘳𝘯𝘮𝘦𝘯𝘵 𝘶𝘯𝘪𝘵𝘴 𝘯𝘢 𝘮𝘢𝘨𝘵𝘢𝘵𝘢𝘨 𝘱𝘰 𝘯𝘨 𝘬𝘢𝘯𝘪𝘭𝘢𝘯𝘨 𝘗𝘦𝘳𝘴𝘰𝘯𝘴 𝘋𝘪𝘴𝘢𝘣𝘪𝘭𝘪𝘵𝘺 𝘈𝘧𝘧𝘢𝘪𝘳𝘴 𝘖𝘧𝘧𝘪𝘤𝘦 𝘰 𝘗𝘋𝘈𝘖 𝘯𝘢 𝘴𝘪𝘺𝘢𝘯𝘨 𝘱𝘢𝘯𝘨𝘶𝘯𝘢𝘩𝘪𝘯𝘨 𝘮𝘢𝘬𝘪𝘬𝘪𝘱𝘢𝘨-𝘤𝘰𝘰𝘳𝘥𝘪𝘯𝘢𝘵𝘦 𝘯𝘨 𝘢𝘵𝘪𝘯𝘨 𝘮𝘨𝘢 𝘭𝘰𝘤𝘢𝘭 𝘰𝘧𝘧𝘪𝘤𝘦𝘴 𝘯𝘢 𝘴𝘪𝘨𝘶𝘳𝘢𝘥𝘶𝘩𝘪𝘯𝘨 𝘬𝘢𝘴𝘢𝘮𝘢 𝘱𝘰 𝘭𝘢𝘩𝘢𝘵 𝘯𝘨 𝘮𝘨𝘢 𝘗𝘦𝘳𝘴𝘰𝘯𝘴 𝘞𝘪𝘵𝘩 𝘋𝘪𝘴𝘢𝘣𝘪𝘭𝘪𝘵𝘺 𝘴𝘢 𝘭𝘢𝘩𝘢𝘵 𝘯𝘢 𝘱𝘳𝘰𝘨𝘳𝘢𝘮 𝘯𝘨 𝘢𝘵𝘪𝘯𝘨 𝘭𝘰𝘬𝘢𝘭 𝘯𝘢 𝘱𝘢𝘮𝘢𝘩𝘢𝘭𝘢𝘢𝘯," sulti ni Calsena.

Samtang si Provincial Social Welfare & Development Officer Rosalinda Rapista mapasalamaton sa NCDA technical support sa PDAO ug kang Kuya Gov. Edwin I. Jubahib sa makanunayong suporta sa gobernador sa matag kalihokan sa mga PWDs.

Kahinumdoman sa ninglabayng training sa mga PWDs dili pa lamang dugay, mahitungod sa pre-registration online system, tabang pinansyal ang gitunol ni Kuya Gov aron kini hingpit nga matigayon.

Gidawat sa mga focal persons sa nagkadaiyang LGU's ang mga computer units.

Writer: Lorna P. Tripoli