Aron mas pakusgan pa ang estratehiya sa COVID-19 vaccination ug aron makab-ot na ang tinguha nga "Wall of Immunity", gilusad sa Davao del Norte Provincial Health Office (PHO) sa pakigtambayayong sa Department of Health (DOH) ang “PINASLAKAS Campaign” niadtong Martes, Agosto 2, 2022, sa DavNor Gym, Sports and Tourism Complex.
Kini subay sa presidential directive ni Presidente Ferdinand “Bongbong” Marcos Jr. diin target nga malakip ang 90% primary series coverage ngadto sa Priority Group A2 o ang mga Senior Citizens, samtang 50% first booster coverage alang sa kinatibuk-ang populasyon.
Atol sa campaign launching, gipadayag ni Provincial Governor Edwin “Kuya Gov” I. Jubahib pinaagi ni Provincial Administrator Josie Jean R. Rabanoz ang iyang hugot nga panawagan ngadto sa mga Dabaonon nga suportahan ang direktiba sa pagpalig-on pa sa COVID-19 Vaccination Campaign.
“Our battle against COVID-19 is far from over… And the only way forward is to cloak everyone with additional layer of protection… Ang atong kagawasan magdepende ra usab sa atong gipakita nga pagtagad ug pakiglambigit sa kasulbaran sa atong problema. Kung kita magpabilin sa kahadlok o kumpyansa, laumon ninyo nga ang atong ginatinguha nga herd immunity, dili gayud makab-ot sa atong probinsya,”panawagan ni Kuya Gov.
Matod sab ni DOH Undersecretary Abdullah B. Dumama Jr., ang PinasLakas Campaign nagtumong sa pagpausbaw sa mga programa sa bakuna sa nasud nga mao ang dalan ngadto sa hinay-hinay nga pagbalik sa normal nga trabaho, edukasyon, panlawas, ug turismo.
“Gusto natin maibalik na yung normal na ating situation. Babalik na yung mga manggagawa, babalik na yung eskwela, babalik na yung pagtratrabaho, babalik na ang turismo, babalik lahat… Kailangan magpractice tayo ng minimum public health standards at bakuna. Wala nang tatalo diyan… Bigyan na natin ng kahalagahan yung bakuna para maibalik na natin yung ating usual na ginagawa,”pasabot ni Dumama.
Mipasalig sab ang Health Undersecretary nga sukwahi sa pagtuo sa kadaghanan, walay angay kahadlokan mahitungod sa mga nag-unang vaccines ug booster shots sanglit ang mga side effects sama sa hilanat, labad sa ulo, kakapoy, ug pagsuka, temporaryo lamang ug normal nga sumbanan sa imyunidad.
“It has been repeatedly proven and tested that it is safe, that it is effective, at siyempre free yan.. Sa dami na ng nabakunahan sa buong mundo, ilang billion doses na ang naibigay sa mga tao, ay wala pa tayong napatunayan na vaccine-related yung mga komplikasyon na ‘yan… May adverse effects, these are natural, normal. Ibig sabihin, yung pagtanggap ng body mo dun sa bakuna. Ito yung tinatawag na adverse effects following immunization,”dugang ni Dumama.
Ang maong campaign launching gitambongan sa mga opisyal sa Probinsya, mga personahe sa PHO, DOH, ug uban pa nga stakeholders, ug mga Local Chief Executives ug Municipal Health Officers sa matag LGU sa Davao del Norte.
Sugod niadtong Martes hangtod karon, balik-serbisyo na ang DavNor Resbakuna Team aron sa pagtanyag sa first ug second primary doses alang sa mga singko (5) anyos pataas, ug Booster doses alang sa mga dose (12) anyos pataas.
Writer: Gwyn Kelly O. Lobitos
