News

Duha ka tuig nga proyekto, gilusad batok child labor

Details

Published: Thursday, 25 April 2024 10:06

Written by DavNor PICKMO (Lorna P. Tripoli)

Views: 18

Gilusad ang duha ka tuig nga proyekto alang sa paghaw-as sa mga Kabataan gikan child labor nga gitawag og "Harnessing CSO Capabilities for Eliminating Child Labor Action thru Multi-Stakeholder Partnerships and Agri-entrepreneurship", niadtong Abril 17, 2024 sa VIP Clubhouse, Sports Complex, Tagum City, Davao del Norte.

Ang proyekto magtutok sa profiling ug mapping o ang pag-ila ug pagtultol sa mga kabataan sa komunidad kung kinsa ang mga nahimong child labor. Lakip niini ang paghatag og financial training sa ilang mga ginikanan ug uban pang benepisyo aron ang mga kabataan di na masugamak sa sayong pagpanarbaho. Tumong usab sa proyekto nga ang mga child labor dili lamang makalingkawas niini apan usab makalahutay.

Nitambong ang mga social welfare workers, mga agriculturists, mga representante gikan sa LGU South Upi, Cotabato, Maguindanao Sur, Bukidnon, LGUs sa Kapalong ug Asuncion sa probinsya sa Davao del Norte. Anaa usab ang ubang ahensiya sa gobyerno sama sa Ministry of Labor and Employment Bangsamoro Autonomous Region in Muslim Mindanao ug Davao del Norte DOLE Regional Field Office XI.

Ang implementasyon sa proyekto gipangunahan sa Asian Partnership for the Development of Human Resources in Rural Asia (AsiaDHRRA). Gisigundahan sa Philippine Partnership for the Development of Human Resources in Rural Asia (PhilDHRAA), Community Organizations Multiversity, Kaanib Foundation Inc., sa pakig-alayon sa mga LGUs, PSWDO, PESO, Child Fund Philippines, AFP 89th IB, PNP ug uban pang mga partners ug stakeholders.

Iimplementar kini sa Bukidnon, San Fernando, Maguindanao, South Upi, Asuncion ug Kapalong sa Davao del Norte. Ang posibleng pundok nga makabenepisyo niini mao ang Rural People’s Organzation (RPO), Smallholder farmer-members of RPOs, mga kabataan nga gitawag og child laborers, edad singko hangtod 17 anyos.

"Because our project is term-based, like this project is a two-year project and after two years kinsa may magdawat? It is the local government unit. It is our men-in-uniform specially in promoting peace and development in the GIDAs. So, that is why kami sa Kaanib malipayon because kini today is just a beginning of our two years nga panag-uban," sumala ni Erlinda Monte Tinhay-Sayago, ang Program Manager sa Kaanib Foundation Inc.

Kutob sa nitambong, nilagda sa Pledge of Commitment ug nanumpa pinaagi sa Panatang Makabata isip pagsuporta batok child labor.