NAKA-PLASTAR na ang mga isolation rooms sa Davao del Norte sa pagdawat sa mga Overseas Filipino Workers (OFWs) ug mga probinsyano gikan sa kaulohang Manila ug ubang lugar nga apektado sa pandemya sa COVID-19.

Ilawom sa programang ‘Balik Probinsya,’ kagahapon lamang (Mayo 25) miabot ang singkwenta’y uno ka mga Persons Under Monitoring (PUMs) nga gihakot sa probinsyal nga administrasyon ni Gobernador (Kuya Gob) Edwin I. Jubahib ug gi-plastar sa lain-laing isolation rooms.

Atol sa ika-21 nga Regular Session sa Sangguniang Panlalawigan, gipahayag ni Probinsyal Administrador Josie Jean Rabanoz ang kaandam ug padayong paghimo pa nga mga isolation rooms alang sa tanang mga taga Davao del Norte nga mopauli sa probinya.

“First priority, OFWs Balik Probinsya program with complete papers. . Yesterday we had three trips from the airport. Ang Carmen District Hospital ug Kapalong are already full ang capacity. Per LGU also have isolation rooms pero limited lang siya. That’s why we fast track the preparation of the complex, ang atong dormitory sa Sports Academy and that of the Gym and so with our VIP rooms sa may Swimming pool to be converted to isolation rooms,” pahayag ni Engr. Rabanoz atubangan sa mga board members.

Gawas sa kasamtangang isolation rooms sa Kapalong District Hospital ug Carmen ug pag-“tap” sa pribadong hotel, gisugdan na pag-convert ang DavNor Gym ug ubang publikong imprastruktura sa probinsya.

Ang LGU sa Tagum

“Ang atoang gym can accommodate 100 rooms pero on-going pa ang preparations. Ang prepared now ang dormitory which can avail 120 beds, padayong pahayag sa probinsyal administrador nga naghisgot nga ang Lakan Pakal’s Hotel napuno na sab sa mga mipauli nga OFWs ug mga probinsyano kay okupado na ang Carmen ug Kapalong.

Padayon sab ang pag-negosasyon ni Kuya Gob sa ubang pribadong establisamento sama sa Tuason Development Foundation, Incorporated nga anaa nahimutang sa Hijo Resources Corporation nga luna sa Madaum, Tagum City.

Alang sa mga tawo nga gikan sa silingang Davao City, moagi gihapon sila ug kwarentinas hinuon dili na moabot ug 14 ka adlaw isolation kung aduna na kini ikapakitang negatibong resulta sa Polymerase Chain Reaction (PCR) nga nagpakitang walay mga simtomas sa COVID-19 nga i-evaluate pa sa DavNor Incident Command Center ug mga Municipal Health Officers.

Sa kasamtangan, padayon sab ang preparasyon sa DavNor, Tagum City, Panabo City ug Island Garden City of Samal nga magbaton ug mga testing booths aron dali nga makabalik sa normal nga aktibidades ang katawhan.