SUGDAN na pagtukod ang singko milyones pesos nga Halfway House alang sa mga kanhi rebelde nga mibalik sa kagamhanan dihang gipahiluna ang kapsula alang sa pagsugod sa konstruksyon, Pebrero 17, 2020 didto sa 60th IB Philippine Army, Doña Andrea, Asuncion, DavNor.

“Kaning atong Halfway House gituyo gyod ni for direct integration and enrolment process of former rebels. There are series of activities before returning to the public as productive member of the community. We have the DILG Memorandum Circular 2018-105 which says ‘All LGUs shall be allocated with a financial assistance to Enhance Comprehensive Local Integration Program (E-CLIP) for each and every provinces for the construction of Halfway House,” matod ni DILG XI Assistant Regional Director Abdullah Matalam.

Gidugang sa DILG XI ARD nga ang Halfway House gipondohan sa E-CLIP Assistance Project sa DILG ug Task Force Balik-Loob Program ingong suporta ngadto sa mga LGU sa whole-of-nation approach sa pag-undang sa rebelyon ilawom sa Executive Order No. 70 -- Ending Local Communist Armed Conflict (ELCAC).

Magsilbi sab kini ingong temporaryong puy-anan ug lugar sa ilang edukasyon, mga pagbansay aron mahimong produktibong miembro una pa ibalik sa komunidad.

“Ako po’y natutuwa dahil sa very active, very dynamic response of the Local Government Agencies especially the governor of Davao del Norte, Governor Jubahib and other local government agencies sa DILG, PSWD. We are seeing the manifestation of the ground not only on conferences and meetings. We see tangible results with the dynamism of everyone else around here,” matod ni MGen Reuben S. Basiao, ang bag-ong Division Commander sa 10th ID PA nga nakabase sa Tuburan, Mawab, DavOro.

Tungod kay walay Halfway House, ang mga Army Infantry Batallions sulod sa DavNor nagpapuyo sa mga FRs. Gitug-an ni DavNor Probinsyal Adminstrador Engr. Jean Rabanoz nga mga singkwenta lang gyod ang kanhi rebelde gikan sa Davao del Norte ug ang kadaghanan maoy gikan sa Bukidnon, Agusan, Butuan, ComVal ug Davao Oriental nga gusto mo-surender ngadto kang Kuya Gob.

“Nakita nato nga ang provincial government thru the leadership of Kuya Gob Edwin Jubahib is looking into totality of reforming sa atong mga igsoon nga nasalaag sa ilahang mga dalan, nga ma-address ang mga problema. . Dili siya mosugot nga ma-delayed ang construction kay I think ang mga rebels four hundred na karon ang atong gina-handle,” matod ni Engr Rabanoz nga nagtug-an sayo-sayo nianang adlawa nag-groundbreaking sa Balay Silangan alang sa mga lesser illegal drug offenders ilawom sa plea-bargaining.

KANG KUYA LANG GOB MOSURENDER

Sa interbyu, gitug-an ni MGen Basiao nga usa sa mga FR nga misurender mitug-an nga kampante ug kumpyansa sila kaayo kang Kuya Gob hinungdan nga adto sila mo-surender.

“Isang magandang indicator. In fact I’ve even talked to a rebel returnee who specifically mentioned that he wants to surrender to Davao Norte. Doon natin nakikita na the program of Governor Jubahib is very effective and very responsive ang province sa mga pangangailangan ng former rebels. Magandang indicator yan na ang mga programa ay naiparating sa mga far-flung areas at kami po bilang partner agency ay natutuwa na ang mga Local Government Units are taking active roles of the surfacing of former rebels,” matod sa heneral.

Gilaoman nga mahuman ang Halfway House mga duha ngadto tulo ka bulan nga i-manage sa PSWDO.