GIHAGIT ni Department of Budget (DBM) Secretary ingon man Cabinet Officer for Regional Development and Security (CORDS) for Davao Region (RXI) Wendel E. Avisado ang mga Local Chief Executives nga himoong modelo ang rehiyon kung bahin sa pagpatuman sa kalinaw ug kalamboan atol sa hiniusang miting sa Regional Peace & Order Council XI ug Regional Development Council XI, Lunes, Pebrero 3.

Bisan kung nanguna ang rehiyon onse sa kampanya kontra terorismo ug sa mga proyektong pangkalamboan aron matapos ang kagubot, sa gihapon gipalanog ni Sec Avisado ang panawagan.

“Today’s challenge that we’re facing in this region is the fact that this is the region of the President. We’re supposed to be the showcase of the entire nation in addressing the issues and concerns regarding peace and development,” pangunang mensahe ni CORDS ug DBM Sec Avisado.

Ang Rehiyon Onse labina ang Davao del Norte nagpanday ug “Local Peace Engagement Framework” nga karon gi-rekomendar sa Philippine Army (PA) nga himoong “template” sa tibuok nasod.

Ang suod nga pagtinabangay ni Gobernador (Kuya Gob) Edwin Jubahib uban ang Army (60IB) nagpa-posible nga ang kanhi “kuta” sa mga rebeldeng NPA nga Sitio Tapayanon mibalik sa gobyerno ug kasamtangan nga gitabangan alang sa padayong kalamboan.  

Si Kuya Gob sab ang dakong hinungdan sa pagsurender sa kanhi rebelde Datu Guibang kauban ang sobra 500 ka mga supporters nga karon gihatdan na sa mga proyektong pang-kalamboan ilabina ang housing.   

Gibutyag sa DBM Secretary nga ilabinang hatagan ug prayoridad ang mga proyekto pang-kalamboan ug mag-ila ug lima ka “cleared and threatened” barangays sa matag distrito aron mapadayon ang nasugdan nga kalamposan sa LGU ug Army. Pabor kaayo si Sec Avisado sa pag-localized aron matapos ang kagubot lakip na ang pag-implementar sa mga proyektong pang-kalamboan.

“The Cabinet approved packaged of projects that will focus on the cleared and threatened barangays. It tasked the Department of Agriculture, Department of Education, Department of Interior and Local Government, Department of Health and Department of Environment and Natural Resources. Mao ni ang mag-una nga mga package of interventions of the national which will be localized, ihatag sa mga LGUs. Bisan ang programa nagsulti, kanang national Task Force to End Local Communist Armed Conflict. Local, mas dali masulbad kung i-localized kay sa national lisod gyod kaayo, daghan kaayo’g complications,” mipadayon si Sec Avisado.

Gipasalig sa DBM Secretary nga panegurohon gyod niya nga mahatod ang gikinahanglang pondo ilabina alang sa rehiyon onse.

“This must be the showcase. Kung kita di ta kasulbad aning problema sa insurhensiya, unsa ma’y atong ikapasigarbo? Wa gyod. So the challenge we really need to focus the efforts of the Regional Task Force to end Local Communist Armed Conflict. Segurohon nato mauna ning atoang mga projects. I’ll try also to assure our Local Chief Executives that whatever it is that you need, that you feel you need assistance, please feel free and let us know,” pasalig ni Secretary Avisado. 

 

 

DavNor News