NAKADAWAT ug “pausbaw katakos” libreng pagbansay ang pangunang Responders sa tanang DavNor LGUs ilabina ang mga sakop sa Provincial Disaster Rescue and Rehabilitation Management Council (PDRRMC) dihang miabot ang tem sa Australyanong First Aid Responders Lunes, Enero 20.
Ang Australyanong tem gipangunahan ni Allan Herman, usa ka Trainer sa Paramedic ug Training industry sa sobra 30 ka tuig diha sa lokal ug internasyonal nga mga organisasyon, consultant ug internasyonal nga boluntaryo alang sa mga disaster rescue mission sa bisan asang dapit sa kalibotan.
“You know first aid is about team work. Without a team nothing happens. There is always room for improvement. Today is about looking the basics and to comfort one another and cooperate together. I’m sure I’m going to learn a lot from you. Please relax, have fun and learn the basics simply and you have the opportunity to ask questions,” matod ni Herman ngadto sa mga DavNor Responders.
Ang mga DavNor Responders marepreskohan sa ila nang nakat-onan ug matudloan sa angay’ng buhaton panahon kung adunay Allergic Reactions, Asthma, Bites & Stings, Bleeding Minor Wounds, Bleeding Severe, Bruises, Sprains, Strains, Burns, Choking, Diabetic Emergencies, Electric Shock, Eye Injuries, Fitting & Seizures, Fractures, Heart Attack, Poisons, Resuscitations (CPR), Shocks ug Emergency contacts nga mga kahimtang.
Gipasalamatan gayod ug dako ni Gobernador (Kuya Gob) Edwin I Jubahib ang tem lider nga si Allan Herman ug mga kauban sanglit hinungdanon gayod ang “first aid” sa tanang kahimtang sa dili pa moabot ang pagtambal.
“Today we are so lucky that we got a chance to be trained from Australia to conduct the basic first aid training. First aid is used at accidents to help injured persons until they received medical treatments. First aid preserve life, prevent further injury and promote recovery. First aid is also used to help people who suddenly become sick until medical care. I would like to thank our guest, the resource person, who is also our trainer to this training, Mr. Allan Herman, together with his team who will help broaden our knowledge about first aid” matod ni Kuya Gob nga mapasalamaton kaayo.
Matod ni Provincial Engineer Glen Olandria nga pribelihiyo gayod nga makadawat ug libreng pagbansay gikan sa mga eksperto nga bisan ang ilang hotel sila na ang miabagar. Nanghatag pa gyod ug mga kagamitan ang internasyonal boluntaryong First Aid Responders. Ang pagkaon lang ang “counterpart” sa DavNor.
