BUKAS NA ALANG SA PUBLIKO ang bag-ong Hemodialysis Center sulod sa Davao Regional Medical Center (DRMC), Martes, Oktubre 8.

Adunay 40 bag-ong hemodialysis machines nga maka-serbisyo ug tulo ka pasyente matag adlaw.

“Kining atong gihimo nga dialysis center, ang intention ani para maserbisyohan ang atong mga igsoon nga galisod-lisod gyod ug bayad pagpa-dialysis. Nagbutang ta ug 40 units dialysis machine, zero-billing; wala gihapo’y bayran kadtong taga Davao del Norte, Davao de Oro kang Congressman Ruel Gonzaga,” matod ni Davao del Norte First District Congressman Pantaleon D. Alvarez nga nag-awhag sab sa ubang kongresista sa rehiyon nga magbutang ug pondo diha sa DRMC alang sa ilang mga lumupyo.

Bisan kung aduna na’y dialysis machine, nagpatabang ang kongresista sa tanang lokal nga opisyales nga hangyoon ang publiko nga likayan ang ‘diabetes’ pinaagi sa pagkapanya nga di na moinom ug softdrinks ingon man ang 3-in-1 nga kape kay daghan kaayo kini ug asukal.

Alang kang Gobernador Edwin I. Jubahib, ang pagkatukod ug pag-abri alang sa publiko maoy katumanan sa ilang gihagoan sukad pa niadtong 2016.

“Karon mao na ni ang realization sa atong gitrabaho adtong 2016. Siya ang unang congressman sa Davao del Norte nga nag-declare nga himoong zero-billing ang tanang pasyente nga taga Davao del Norte. Wala na’y bayad ang hospital ug ang tambal. Nagbutang gyod siya ug dakong pondo. Primerong pondo year 2016 is 40 million; na-short ni kay daghan na man dayon ang nagpa-hospital. Nag-additional siya ug 30 million. Sa 2017, 70 million then 10 million sa SPMC kay naa pod ta’y mga igsoon nga dili ma-cater dire sa DRH dalahon didto sa SPMC. Then continue hangtod nag 2018, hangtod karon. Iya gyod kining gipaningkamotan bisan pa sa bagyo sa politika, wala gyod niya kalimti pagbutang ug pondo ang Davao Regional Hospital,” matod ni Kuya Gob nga nagpasabot kang Congresman Alvarez diin siya ang Personal Assistant balik niadtong 2016.

Sa nahimong gobernador si Kuya Gob iya sab gisundog ang iyang “mentor.”

“Sa akong pagdaog, ang iyang gihimo ako sab nga gihimo sa katawhan sa Davao del Norte. Akong gi-declare sa unang adlaw, kuyog ang atong Vice Governor Rey T. Uy ug tanang board members ila kining gisuportahan nga zero-billing, wa na’y bayad, libre na tanan bayranan sa hospital kuyog ang tambal. . . Kining tanan atong gipaningkamotan nga ma-sustained para atong matagaan ug tinud-anay nga serbisyo ang atong mga kaigsoonan nga mga yano, mga kabos natong mga kaigsoonan nga sila gyod ang nagkinahanglan sa serbisyo sa gobyerno. . Nakita nako nga kung magtinabangay tang tanan walay lisod nga di masulbad,” pag-awhag sa gobernador alang sa hiusang pagtinabangay sa tanan.

Dili hinuon malikayan nga makagasto ang pasyente ilabina kung mahurot ang stock nga tambal sa DRMC alang sa maong sakit apan menos na kaayo kung itandi nga mobayad pa sila alang sa hemodialysis nga moabot ug 1,000 ka pesos matag sesyon.

nawad an pikas stainless cane in lieu sungkod   kawayan

 

nawad an pikas dr parrenas