MILARGA na ang 343 ka mga atleta ug coaches alang sa 2018 Davao Regional Athletic Association meet nga himoon sa Davao City Pebrero 18-23, 2018.

Sa usa ka send-off nga seremonya kagahapon, gipasalig ni Gobernador Anthony del Rosario ang bug-os nga suporta sa iyang administrasyon pinaagi sa mensahe nga gihatod ni Provincial Administrator Samson J. Sanchez. 

”For years now we have given our utmost support to the improvement of our sports and youth development program in the provincial government of Davao del Norte. . . Mi-commit gayod kita niini kay ako nagtuo nga pinaagi sa pagkahimong hanas sa abilidad sa atong mga kabatan-onan, mahimong ma-develop ang ilang kinabuhi isip Dabaonon ug isip Filipino. I’m proud to see and send you off young athletes as you stand up and confidently brave all the challenges you might face in your journey to Davraa 2018 in Davao City,” matod sa mensahe ni Gob Anthony pinaagi ni Probinsyal Administrador Samson Sanchez.

Daghan na nga dagkong padula ang gisuportahan sa probinsyal nga panggamhanan nga naglakip sa “best ever” Palarong Pambansa 2015, Batang Pinoy, Davraa, Private Schools Athletic Association (PRISAA), Philippine Association of State Universities and Colleges (PASUC), Catholic Educators Association of the Philippines (CEAP) meet gawas pa sa ginagmay nga indigay sa sports sa mga eskwelahan nga gipahigayon diha sa world-class nga sports pasilidad sa Davao del Norte.             

Mapasalamaton gayod si DavNor Schools Division Superintendent Dr. Josephine Fadul sa kusganong suporta sa probinsya.

“An official information to each and everyone: Every single centavo that we spent during the training and during the actual playing of the games in Davao City and all the DAVRAA games that we have been playing all those years, . . kana tanan nga funds nga atong gigasto. .  courtesy ng provincial government of Davao del Norte. . Ang share ng DepEd amo lang gyong presence; hago ng mga coaches, that’s the share of DepEd, ang among pagbantay sa inyoha that’s the share of DepEd. All the rest, kung wala ang mga LGUs both the province and the municipality we are nothing, the slightest, the smallest share we can give to them is to say our gratitude,” pahayag ni Dr. Fadul atubangan sa contingent sa Dabaonon atleta nga gitawag ug Davao del Norte Pioneers.

Ang paugnat sa kusog maoy usa ka paagi sa pag-molde sa mga batan-on aron mahimong maayong lumulupyo sa sunod nga mga adlaw nga suportado gayod sa administrasyon ni Gob Anthony. 

“I commend the Davao del Norte DepEd division office headed by Maam Fadul for being the catalyst in making this event possible. Rest assured that the provincial government of Davao del Norte under Governor Anthony will continuously support whatever resources we can in order for you to develop as a good athlete and a good Dabaonon,” subling pasalig sa mensahe sa gobernador nga gihatod ni PA Sanchez.   

Malaumon ang mga kadagkoan sa probinsya ug DepEd nga magdala ug daghang bulawang medalya ang Davao del Norte Pioneers.