GITIMAN-AN sa Davao del Norte Provincial Health Office ang bulan sa Pebrero ingong Oral Health Month pinaagi sa paghatag serbisyo sa ilang kaubang mga empleyado sa Kapitolyo, Lunes, Pebrero 12, 2017.

Kalangkit niini, nag-awhag ang Provincial Administrator’s Office nga ang matag departamento sa Kapitolyo magpadala ug tagnapulo (10) ka mga empleyado aron pahimuslan ang mga dental serbisyo sama sa oral examination, counselling ug oral prophylaxis kun paglimpyo sa ngipon. 

Ang tibuok bulan nga pagtimaan maoy subay sa Presidential Proclamation No. 599 nga nagdeklarar sa Pebrero ingong National Dental Health Month aron mapakusog ang kasayoran sa publiko labot sa kaimportante sa kahimsog sa ngipon. Ang tuig 2018 nagdala sa tema “Ngipin ay Alagaan Mula sa Sinapupunan para sa Magandang Ngiti Hangang Katandaan.”

Gawas sa PHO, ang tem sa mga doktor ug dentists gikan sa Kapalong District Hospital, Carmen District Hospital, IGACOS District Hospital lakip na ang mga Municipal ug Rural Health Units sa probinsya naghiusa aron itanyag ang libreng dental nga serbisyo sulod sa usa ka adlaw.