NANAWAGAN pag-usab si Gobernador Anthony del Rosario sa tanang empleyado sa DavNor Kapitolyo nga ibutang gayod ang “kasingkasing” diha sa pagpanarbaho.  

“I would like everyone to re-dedicate your hearts to beat for genuine public service. . We will always be here to serve the best interest of the Dabaonon people. . There is no higher calling in terms of a career than public service which is a chance to make a difference in people's lives and improve the world,” pag-awhag sa gobernador nga nagkutlo pa sa mensahe ni US Secretary of the Treasury Jack Lew atol sa convocation Lunes, Pebrero 5 nga may tema “The heart is all that matters” nga gipasiugdahan sa PEEDO.

Subli sab nga gipasiugda ni Gob AGR ang mga hiyas nga competence, commitment ug integrity nga angay’ng ipakita sa mga empleyado sa Kapitolyo samtang magtrabaho pinasubay sa BEST PEOPLE development agenda ug ilawom sa “Abilidad ug Malasakit” kun AMA nga estratehiya.

Sa pag-implementar sa AMA nga estratehiya, naila ang Davao del Norte nga usa ka “Galing Pook Awardee” sa 2017 tungod sa Community-Based Road Maintenance Contracting kun CBRMC nga programa. Ang CBRMC naglangkit sa komunidad sa pagmentinar sa probinsyal nga karsada aron matabangan ang mga asosasyon nga makabaton ug dugang income.

“This year 2018, is going to be another great year for all of us, as we now put more emphasis on the matters of the heart in governance. After all, our AMA branding compels us not only to lead using our head, but more importantly to lead with a heart,” dugang pahayag sa gobernador uban sa pag-ila sa team sa Galing Pook Foundation nga nag-dokumento atol sa convocation.

Apan bisan pa sa pasidungog ug kalamposan nga naani, pursigido ang gobernador nga ihatod-paduol ang gikinahanglang mga serbisyo ingong sulugoon nga manguna (servant leader) pinaagi sa BEST PEOPLE Festival of Services nga sugdan karong bulana.

“In keeping with our aim to achieve more and reach farther this year, we are set to launch more landmark programs that pursue our AMA strategy. Among them is the BEST PEOPLE Festival of Services, which we will be holding in clustered depressed barangays starting this month. This is the essence of our “Malasakit” component. The heart is the foundation of our governance, since it drives our passion to serve especially the last, the least and the lost in our society,” dugang pagpsiugda ni Gob AGR.

Ang mga serbisyo nga dad-on sa BEST PEOPLE Festival of Services mao ra gihapon ang mga serbisyo nga ginahimo sa DavNor Kapitolyo, hinuon dad-on kini ngadto sa hilit nga mga baryo nga “adunay sobra” sanglit apil niini ang pagkuha ug pag-renew ug Professional License, Driver’s License, Pasaporte ug ang pagtunol sa mga Titulo sa Yuta ngadto sa mga Dabaonon.

Gihubit ni del Rosario ang H.E.A.R.T. sa usa ka “servant leader” ingong Humility (pagpaubos), Enthusiasm (kasibot), Attitude (kinaiya), Respect (pagtahod) ug Trust (pagsalig).

“Simply put, the essence of a servant leader follows the natural acronym H.E.A.R.T. Where H stands for humility, E for enthusiasm, A – attitude, R – for respect and, T for trust,” pag-awhag ni Gob AGR nga gitumong sa tanang mga empleyado sa DavNor Kapitolyo.