BUKAS na alang sa dugang serbisyo publiko ang extension bilding sa Davao del Norte Provincial Veterinary Office (PVO) Martes, Enero 30, 2018.

Gihingusgan gayod sa administrasyon ni Gobernador Anthony del Rosario ilawom sa iyang BEST PEOPLE development agenda ang pagpaabot sa maayong serbisyo ngadto sa mga Dabaonon ilabina sa plano nga magtukod ug Livestock Production Center.

“Right now, a big challenge is waiting ahead for us especially sa among department. .for the purpose of coming up the right direction on how to establish the pet project of our governor which is to establish a livestock production center of the province. . The site identified is Talaingod. . I mentioned an area of 50 hectares, that’s what we need immediately in order for us to establish the livestock production center. All the tribal leaders are committed to donate the area para sa livestock,” malipayong pagpahibalo ni Dr. Renato Embate ang DavNor Provincial Veterinary Officer atol sa “soft opening” sa ekstensyon bilding.

Giangkon sab ni Dr. Embate nga bisan kun andam na sila sa teknikal nga bahin apan gikinahanglan gayod nila suporta ilabina ang dugang trabahante alang sa maong proyekto.

“While we are prepared technically for that gargantuous task nga moabot, we just need your support, especially the additional manpower support kay ang DA, the Office of the Secretary of the Department of Agriculture is already in the process of downloading the first Five Million for the establishment of native chicken production center,” padayong pahibalo sa PVO department head.

Gipasalig hinuon ni Provincial Administration Samson J. Sanchez nga bisan pa sa kakulangon sa kwarta sa gobyerno apan mahimo gihapon ang usa ka proyekto kung magtinabangay 

“What we are doing now is a clear manifestation that indeed the resources in the government is really meagre kay bisan wala mahuman gi-inagurahan. . May additional budget. . Walay kwarta sa gobyerno nga sobra-sobra. . always kulang gyod na. We can only compliment the insufficiency of resources in the government if we complement each other. . Of course ang manpower let’s just complement meantime, may be Job Orders or whatever because dako kaayo ang tahas ninyo. . Kami dire imohang mga kauban department heads will just help whatever way we can to really push your plans especially the establishment of livestock production center in Talaingod. Dream gyod na ni Gob,” pasalig ni PA Sanchez.  

Tungod sa dakong bakanteng luna ilabina sa Talaingod, gusto gayod ni Gobernador Anthony nga magamit kini ingong Livestock Production Center aron sab masustentohan ang gikinahanglang gatas sa probinsya.