Pagpalambo sa customer service sa mga kawani sa kapitolyo, gipatigayon
- Details
- Published: Monday, 25 March 2024 15:36
- Written by DavNor PICKMO (Nestor H. Mata, Jr.)
- Views: 225
Malampuson ang duha ka adlaw’ng enhanced basic customer service skills with ease of doing business in the government service seminar nga gipahigayon sa Capitol Pavilion, DNSTC, Mankilam, Tagum City, niadtong Marso 14-15, 2024.
Sumala ni Provincial Human Resource and Management Officer Edwin A. Palero, MPA, MHRM, nga gihimo ang maong seminar aron pag-professionalize sa mga kawani sa kapitolyo ilabi na ang mga frontliners nga unang moabiabi sa mga katawhan.
“Public office is a public trust. Meaning, if you are working in the government office you are considered trusted by the people or the constituents. That is why public officers and employees like us must be accountable to the people. So, naa ta’y accountability sa atong gipangserbisyohan,” ingon ni Palero.
Sa mensahe ni Governor Edwin “Kuya Gov” Jubahib pinaagi sa iyang Executive Assistant Reynante Monares, gihataga’g dakong gibug-aton ang pagpalambo sa kahibalo ug kahanas sa mga kawani sa probinsyal nga panggamhanan sa pag-atubang ug pagtunol sa serbisyo sa mga katawhan kalakip sab ang paghatag sa pinaakamaayong pagtratar.
“The Enhanced Basic Customer Service Skills with Ease of Doing Business program is poised to be a catalyst for change, propelling us towards a future where every citizen’s encounter with the government is marked by efficiency, transparency, and compassion. It underscores the indisputable fact that the quality of our customer service directly impacts the quality of life of the people we serve,” matud ni Monares.
Aktibong nipartisipar ang mokabat 50 ka mga empleyado sa kapitolyo sa tanang mga activity workshop nga gidalit alang kanila, nga adunay dakong ikatabang sa pagpalambo sa ilang mga kaalam sa pag-abiabi sa mga katawhan nga modangop sa ilang tagsa-tagsa ka mga buhatan.
Samtang gilaumang magamit gyud sa mga partisipante ang ilang nga nakat-onan sa maong training sa paghatud og episyenteng serbisyo ngadto sa mga katawhan sa probinsya.
Writer: Nestor Mata, Jr.
