GIPIRMAHAN na sa mga opisyales sa probinsyal nga panggamhanan sa Davao del Norte (DavNor), Tagum Agricultural Development Company (TADECO) ug Bureau of Corrections (BuCor) nga nagtimaan sa pagtapos sa dili pagsinabtanay labot sa paggamit sa karsada ilawom sa plantasyon sa sagingan.

Kahinumduman nga niadtong Oktubre 9, nagka-atubangay ang mga personahe sa DavNor ug TADECO nga kung wala moabot sa punto nga magkasinabot, ang panagbangi mahimong moresulta sa pag-agas ug dugo ug bisan ang peligro sa bio-security sa pinakadakong plantasyon sa saging sa tibuok nasod.

Sa pagbisita ni Mindanao Development Authority (MinDA) Secretary Manny Piñol niadtong Oktubre 18, iyang gipasabot nga niana untang adlawa ang pinirmahay apan sanglit wala makaabot ang BuCor undersecretary, giuswag kini Oktubre 22 nga maoy nahimong resulta sa duha ka semana nga sabot-sabot aron lang gyod masulbad ang suliran.

“I would like to announce to the people of Davao del Norte that we have resolved the TADECO-Davao del Norte issue. Tungod sa negosasyon, nagpailob si Governor, nga karon acceptable na both to TADECO and provincial government ug gipaabot na lang gyod nato ang pirma sa Bureau of Corrections chief, si Undersecretary General Bantag. Gi-report na nako kay Senator Bong Go kay siya gyod ang mihangyo sa ako nga areglohon ning problema sa Davao del Norte ug TADECO para ang tanan malipay, way magsubo, way agrabyado pati ang katawhan nagpuyo inside TADECO. This just shows that kung naay negosasyon, kung naay pag-estorya, ug magpadayon lang ta ug estorya, walay problema nga dili masulbad. I would like to congratulate Governor Edwin Jubahib for showing respect, for waiting,” pahayag ni Secretary Piñol atol sa Banana Fusarium Wilt Management Forum niadtong Oktubre 18.

Ang kasabotan naglakip sa pahayag nga ang mga karsada sulod sa 5,000 ektaryas nga sagingan bukas na alang sa sakyanan ug biyahedor samtang padayong ipatuman sa TADECO ang bio-security ug ang BuCor sab ang magbantay sa mga gates.

Ang seremonyal nga pagbukas himoon karong adlawa, Oktubre 24.

Gawas sa maong kasabotan, nagkauyon sab ang magkaatbang nga grupo nga ilang isumiter ang maong mga dokumento sa Panabo City Regional Trial Court ug hangyoon nga dili na lang ipadayon ang kaso labot sa maong panagbangi.

nawad an pikas stainless cane in lieu sungkod   kawayan

 

nawad an pikas dr parrenas

 

DavNor News