APRUBADO alang sa mga Lumad (Indigenous People) ang pag-abot sa Oplan TApok sa Barangay Alang sa Nanginahanglan ug Galisod (Oplan TABANG) sa ilang nahilit nga mga Barangays Sonlon, Camansa, Buan ug Binancian pulos sakop sa lungsod Asuncion.

Gipalanog ni Asuncion Mayor Eufracio Dayaday, Jr. ang sentimento sa iyang ginsakpan.

“Ang pinaka-significant nga nahatag ni Kuya Gob Edwin Jubahib sa lungsod sa Asuncion mao gyod ang pagpahitabo sa Oplan TABANG didto sa amoang upat ka barangay nga isolated sa Sonlon, Camansa, Buan ug Binancian. Ang mga tao nalipay kay gihatod jud mismo ang serbisyo sa gobyerno ngadto sa ilang barangay,” matod sa mayor.

“Dire sa KAMADI district, “Kaimonan To Dibabawon Au Mangguangan”—Kahugpongan sa Dibabawon ug Mangguangan. . Nag-anhi ko dinhi para magtan-aw sa mga serbisyo nga gihatag sa atoang gobernador,” matod ni Datu Romulo Dakit nga taga Sitio Liguyon, Binancian ug sakop sa tribong Dibabawon.

“Kung akoang gradohan, diha gyod sa number Ten kay sa bag-o pa lang niya nga paglingkod sa probinsya sa Davao del Norte daghan na kaayo siya’g nahimo ilabina kining Oplan TABANG. Dako kaayo mi’g pasalamat kay tagsa ra kaayo ni nahitabo. Sa iyahang administrasyon, wa pa gani kaabot ug usa ka gatos ka adlaw, daghan na ta’g nakita nga mga proyekto ug sa iyaha pod nga serbisyo pang-medikal ilabina ning Oplan TABANG. Dako kaayo ko’g pasalamat sa atoang halangdong gobernador. Nakita nako nga giuna pod niya kay kaniadto man gud iwit kaayo mi sa serbisyo pero karon kami ang giuna,” padayong pasabot ni Datu Romulo.

Aprubado sab alang kang Lilybeth, Carmelita, Delia, Carolina ug Leonor Mayaki, Sr ang Oplan TABANG ni Kuya Gob Edwin Jubahib.

“Nagpa-check-up ko’g mata. Ten. . kay mora’g taas-taas ang iyang mga programa, miabot na. . Salamat ni Governor Edwin Jubahib,” matod ni Misis Lilybeth Teves nga taga Camansa Lower.

“Nag-anhi dire kay naa kuno’y kuan sa Senior Citizen, check-up. . . Maayo man iyang pagka-estorya sa mga tawo, serbisyo niya para sa mga katawhan, para sa atoa mga pobre. . Nagpasalamat ko sa iyaha nga maayong pagkadala niya,” matod ni Mrs. Carmelita Samong Damaso nga taga Rizal, Binancian.

“Nagtapok tungod sa kuan ni Governor Edwin Jubahib. . Nagpa-check-up ko karon kay high blood man ko. . . Dakong pasalamat nako ni Gob tungod sa iyahang gitabang dire sa Barangay Sonlon, sa upat ka barangay. Maayo jud kay nakatabang sa katawhan,” matod ni Mrs. Delia Dakit nga taga Sonlon.

“Mag-pa-check-up. . . Ten, kay makatabang man siya. . buotan, maduolan, makaduol mi taga-tribo,” matod ni Mrs. Carolina Angyas nga taga Binancian.

“Magpa-check-up ko sa akong mata. . . Naa na ko sa Nine tungod kay kini pa man nga mga buhat ang napakita dinhi sa amoa sa Asuncion. Nagdahom pa mi nga naa pa’y lain nga mga butang nga ipahigayon dire sa amo. . Salamat sa atong gobernador nga nakahimo niini ug ang mga masakiton libre na sa hospital, diha dako ang ikatabang sa mga katawhan,” matod sab ni Leonor Mayaki, Sr..

Si Saturnino Pangoy nga gi-operahan ug cyst nagpasalamat pag-ayo sanglit wa gyod siya’y kwarta.

“Way bayad. Nagpasalamat ko’g dako nga gi-operahan nga wa ko’y gastong kwarta kay wa man jud ko’y kwarta. Dako ko’ng pasalamat.”

Kini na ang ikatulong hugna sa paghatod sa Oplan TABANG ni Kuya Gob nga giuna ang mga GIDA nga dapit.

nawad an pikas stainless cane in lieu sungkod   kawayan

 

nawad an pikas dr parrenas

 

DavNor News