DINHI sa Davao del Norte gipahinabo sa Department of Labor and Employment (DOLE) XI ang ikatulong HELP ME convergence Service Caravan sa pagtimaan sa 2019 World Day Against Child Labor nga dunay tema “Children Shouldn’t Work in Fields but in Dreams,” Martes, Hunyo 18.
Ang pag-proteksyon sa katungod sa kabataan maoy apil sa development agenda sa probinsyal nga panggamhanan sa DavNor.
“Children protection is a responsibility shared among parents, the community, and the state; equipping them with necessary empowerment strategies to fully develop their potentials would also mean developing a better future for our country. . Sa dugay na nga higayon, ang atong probinsya aktibo gayud nga naga-apil sa mga kalihukan ug pagplano aron batukan ang child labor sa lalawigan. Isip inyong amahan, dili nako tugutan nga mapasagdan ang atong mga kabataan. Dili nato tugutan nga mahikaw kanila ang pag-atiman ug sa mga butang nga gikinahanglan nila. Sila ang usa sa mga inspirasyon sa pagkamugna ug pagpadayong paglampus sa atong B.E.S.T. P.E.O.P.L.E. development agenda,” matod sa mensahe ni outgoing Gobernador Anthony del Rosario (AGR).
Ang HELP ME nga nagkahulogan ug Help, Education, Livelihood, Prevention, Protection, Prosecution, Monitoring and Evaluation gituyo aron matabangan ang mga kabataan ubos sa 17 anyos ang edad nga makabalik pag-eskuyla ug mahimong produktibong miembro sa katilingban.
“Karong adlawa ang atong selebrasyon nagaingon nga ang mga bata angayan nga mobalik gyod sa eskuylahan. . Unsay epekto sa mga bata ining child labor? Dako kaayo. Sa ilang health, mag-stunted ang ilang growth ug dili maayo ang pagtubo ug makapawala sa ilang interes sa pag-eskuyla, magresulta sa pagpabilin diha sa kalisod. Mga ginikanan aghaton ninyo ang inyong mga anak pagbalik sa pag-eskuyla kay dako pa ang inyong mahimo dire sa atoang community,” matod ni Ms. Lalaine Apugan, Anti-Child Labor Focal sa DOLE XI.
Gipasabot sab ni Ms. Apugan nga ang child labor maoy usa ka panamastamas sa potensyal sa bata nga mahimong produktibong miembro sa katilingban sanglit makababag kini sa ilang pag-eskwela ug magpugong sa ilang abilidad nga molambo sa mental, pisikal ug sosyal.
Alang sa ikatulong HELP ME convergence, 18 ka mga ahensya sa gobyerno ug 11 ka pribadong grupo ang nagtinabangay alang sa kaayohan sa 126 ka mga bata nga nalangkit sa child labor ug sa 121 ka mga ginikanan gikan sa Barangay West, Tagum City.
“Ang atong activity karon we only reach out to 126 ka mga bata ug 121 ka parents. Mao lang ba ni ang angayan modawat sa serbisyo sa gobyerno? Ang tubag dili! Daghan pang mga pamilya, children in extremely difficult circumstances. . angayan maabot sa serbisyo not only by the government but by our partners private sector. . We cannot able to reach everyone. We cannot able to provide services to families who have children in difficult circumstances apan ania ang mga ahensya sa gobyerno,” matod ni Assistant Regional Director Atty. Jayson Balais sa DOLE XI.
Gipasabot ni ARD Balais nga ekonomikanhong paglambo mao lamang ang solusyon sa child labor.
I was asked ‘unsa man gyod ang solusyon sa child labor?’ Ang tubag ani is economic prosperity or economic development alang sa tanang Filipino. And that is something that our government has endeavoured to under the leadership of our beloved President Rodrigo Roa Duterte. . Moabot ang panahon nga we will reach a level of development nga wala na unya’y pobreng Pilipino and that will be the all-answer of child labor,” dugang ni ARD Balais.
Sa pagtimaan sa 3rd HELP ME Convergence, nakadawat ang mga bata ingon man mga ginikanan ug mga pahalipay gikan sa 18 ka mga ahensya sa gobyerno ug 11 ka pribadong grupo gawas sa mga padula alng sa ilang kalingawan.
