DILI mo-enforce ang Tagum City sa Cease and Desist Order batok sa KAPA Tagum.
Sa “People’s Inforum” nga gitambongan ni Tagum City Mayor Allan Rellon Mayo 23, gibutyag sa Mayor nga nakadawat sila ug ‘advisory’ gikan sa Department of Interior Local Government Secretary Eduardo Año nga “mo-asistir” pag-implementar sa C & D order ngadto sa KAPA TAgum.
“Mao ni siya’y subject of the advisory of the DILG Secretary Año, addressed to all mayors, PNP, NBI, which gi-endorsed sa regional office DILG to the provincial and to the city, municipalities. Na-received nako na May 8 so I referred that to the legal. . The Securities and Exchange Commission en banc has a resolution deputizing LGUs, PNP, NBI to assist the Commission, to assist in the issuance of Cease and Desist. KAPA lang. Syempre akoang gi-refer sa legal,” matod ni Mayor Rellon sa dihang gipangutana kung unsa ang iyang aksyon.
Dugang sa Tagum City mayor nga hangtod karon wala pa gyo’y legitimate complaint batok sa KAPA Tagum nga miabot kaniya. Gawas pa ang mga tawo nga mi-invest sa ilang kwarta nasayod nga sila maoy mga “willing victim.”
“These people are “willing victim.”. . This is a government of laws, not of men. And so naa man ko’y legal unsa’y iyang hunahuna: Ato lang i-comply mayor mao ra man ni atong role to assist. Dili man kami mo-enforce. Ako’y moanha diha unya pasara, I will not do that,” dugang esplikar ni Mayor Rellon.
Gipanghimakak sab sa mayor nga usa siya sa mga investor.
“Na-isyu baya ko ana. Nag-courtesy call lang gani ko, paggawas nag-invest na. Wa jud ko kay di man ko gusto madato,” pasabot sa mayor nga nagdugang nga bisan atoll sa kampanya migawas na ang maong pangutana.
Hinuon kusganon siyang nag-warning sa mga investors nga mag-extra precaution.
“On the other hand, akoang prinsipyo I will always look at kaayohan sa tanan. Of course daghan man nalipay. We know this will not last. Extra-precaution na lang sa nag-invest. . financial literacy, guidance. I hope this will not pose a problem to the family, kana bang dili basta-basta lang.. . .It’s only one name ang gi-subject of that document, others wala. Wala pa’y court order. Walay advisory of the DILG other than the Kapa, the subject for us to assist in the Cease and Desist. But kanang Cease and Desist Order is still a discussion. . . . . There’s higher than the Local Chief Executive. I cannot order NBI. NBI is a national agency. Even mayor is subject to their sanctions. For the PNP, there’s also higher. . . So I will wait. Ako ini ron sa Tagum kung naay mangayo’g tambag sa akoa, please be careful, please be careful. If you engage on that as a willing victim, that’s’ your decision,” pagpahamangno sa bag-ong re-elected mayor alang sa iyang ikatulong termino.
Giklaro sab sa mayor nga ang mga investor lakip sa KAPA nakahatag sab ug kaayohan sa mga Tagumeño nga nagpa-bibo sa negosyo, nakabayad ug utang sa DANECO ug gani nagtuo nga kini nakaamot sa “zero crime’ sa miaging semana sumala sa report sa kapolisan sa syudad.
