Davao del Norte – Gitug-an ni Gobernador Edwin I. Jubahib nga adunay bendisyon gikan kang Presidente Rodrigo Roa Duterte (PRRD) ang iyang plano sa pagmugna ug Task Force Davao del Norte.

Matod sa gobernador nga nalipay ang presidente pagkadungog sa iyang plano sa tumong nga mapanalipdan gayod ang probinsya gikan sa mga grupo ug indibiduwal nga mahimong hulga sa seguridad ug kalamboan sa katawhang Dabaonon.

“Nalipay ang atong presidente sa atong plano nga mugnaon ang Task Force Davao del Norte, tungod kay naka-align kini sa iyang Executive Order (EO) 70,” matod ni Gobernador Jubahib nga kasagaran tawgon nga “Kuya Gob.”

Kahinumduman nga niadtong miaging Disyembre nagpagawas ang Presidente ug Executive Order No. 70 nga nagpalig-on sa pangkatibuk-ang pamaagi sa pagtubag sa tinuod nga hinungdan sa insurhensya, kasamok ug ubang hulga pinaagi sa paghatag prayoridad ug hapsay nga paghatod sa pangunang gikinahanglang serbisyo ug mga proyektong sosyal nga kalamboan gikan sa gobyerno. Gipasiugda niini ang kalangkitan sa katibuk-ang sosyedad ug aktibong partisipasyon sa tanang sektor alang sa gitinguhang kalinaw sa tibuok nasod.

Matod sa gobernador nga mihatag ang presidente sa iyang bendisyon atol sa usa sa mga higayon nga gipatawag siya didto sa Davao City sa miaging bulan.  

Dugang ni Kuya Gob nga gisugdan na niya ang padayong pakig-miting uban sa kadagkoan sa military ug polis sa probinsya aron hisgotan ang giknahanglang detalye sa pagmugna ug pagpadagan niining espesyal nga task force, nga matod sa gobernador kabahin sa mga reporma nga iyang ipatuman.

Gawas sa pagpalig-on sa kasegurohan, gihisgotan sab sa gobernador ang kaimportante sa panaghiusa sa paningkamot sa tanang langkit nga ahensya aron dugang mahatod ang mga proyekto labot sa panglawas, edukasyon, panginabuhian, panarbaho, ug ang mga pagpaubos sa kapobrehon nga mga proyekto aron batokan ang terorismo, insurhensya ug kriminalidad.

Matod ni Kuya Gob nga ang pagpalig-on sa seguridad sa probinsya naglakip sa gikinahanglang mga paningkamot aron mawagtang ang gamot sa rebelyon, kriminalidad ug ubang hulga sa kalinaw.

“Nagatoo ako nga kung wala nay pobre, kung wala nay gigutom, kung wala nay illiterate, mawala na pud ang insurgency ug kriminalidad sa atong probinsya,” matod ni Kuya Gob.

The Philippine National Police is also rolling out the red carpet for the task force.

Davao del Norte Police Provincial Director Police Colonel Ferlu Silvio said the police force welcomes the creation of Task Force Davao del Norte, as it will increase security and public safety among people of the province.

Gikalipay sa kapolisan ang planong pagmugna sa task force. Matod ni Davao del Norte Provincial Director Police Colonel Ferlu Silvio nga magpakusog gayod kini sa seguridad ug kahilwasan sa katawhan sa probinsya.

“The creation of Task Force Davao del Norte… would be very vital in enhancing our security, most particularly concerning terrorism. This will thwart any terroristic plans that would cause fear among our people,” matod ni Police Provincial Director Silvio pinaagi sa text message.