MIHAYAG ang kaugmaon sa napulo’g upat ka mga adunay cleft lip/palate human nga na-operahan pinaagi sa pagtinabangay ni Davao del Norte Senior Board Member Rodolfo (Rodney) del Rosario Jr. ug Maharlika Charity Foundation sa Agdao, Davao City, Pebrero 25.

Gawas sa libreng operasyon, gilibre sab ang mga tambal, pagpuyo ug pagkaon sa pasyente ug sa nagbantay hangtod makapauli human sa duha ka adlaw.

“Nag-estorya na ta tanan nga wala mo’y tulubagon sa gasto niini sa Maharlika. Dugay na ming kaila. Amo pang mga ginikanan magkaila pa sa una. Mao na espesyal mo tanan tungod kay Rodney. Paghuman dire makakita mo, ahh, duna diay Maharlika Foundation para sa kaugmaon. Aduna mo’y kaila nga bungi, adunay institusyon pinaagi sa admin ni Rodney nga adunay Maharlika Charity Foundation,” matod ni Dr. Benedict Valdez, ang presidente sa Maharlika Foundation nga nagpasalig sab nga i-follow-up ang mga pasyente mismo didto sa ilang lugar.

Napulo’g upat lang ang na-operahan sanglit isa ka pasyente gi-pneumonia ug underweight sab ang isa.

”Kung ang bata mapabilin nga dili ma-operahan, lagmit dili mahuman sa edukasyon kay pirme man na kantyawan. . Mao ni ang programa nga dili lang konsultasyon, hatag tambal.. Katungod ninyo ni. . Mao ning higayon gihatag ning mga tawhana-- edukasyon ug kaugmaon, sa walay dapig-dapig. Misyonaryo ko sa tibuok Pilipinas. . sa 30-minute nga operasyon, kaugmaon ang katapat ana. . aduna mi partnership. Sa walay dapig-dapig, mao ni karon ang gihatag ning admin sa inyo: katungod sa kaugmaon sa inyong mga bata. Dili lang ni mao ang amoang i-extend. Mao ra ning sinugdanan. So partner ta tanan para sa kaugmaon sa mga bata,” dugang pasabot ni Dr. Valdez nga nagtug-an nga aduna pa sila’y himoong pag-opera ug mga bungi sa ubang dapit sa Davao del Norte.

Tungod kay daghang bungi sa probinsya nga nagkinahanglan sab nga ma-operahan, matod ni BM Rodney del Rosario nga kinahanglan i-plastar una ang plano.

“Nag-ingon si Dr. Valdez nga pwede pa mag-additional program. Kung dili dire sa Davao didto sa Kapalong District Hospital. Posible din sa Davao Regional Medical Center (DRMC). Lahat ng pagkaon ninyo sa duha ka adlaw libre ito, walay bayad dahil sa atong grupo sa Maharlika Foundation. Nag-coordinate lang ang opisina nako para ma-facilitate ang operasyon ng inyong anak. . So after two days, normal na ang atong mga anak,” matod ni Board Member RDR Jr.

Mapasalamaton kaayo si Ms. Rochelle del Rosario, asawa ni BM Rodney sa sakripisyo nga gihimo sa team ni Dr. Valdez ug mga kaubang doktor sa Maharlika Foundation nga sila Dr. Millan, Dr. Mapayo ug Dr. Rolly Chiu ang amahan ni Ms. Aina Chiu-- del Rosario, asawa ni Gobernador AGR.

“First of all magpasalamat ta kay Doc. Valdez kay siya gyod ang nag-offer nga buhaton ni nga free para sa mga bata nato sa Davao del Norte ug ang Maharlika Foundation kay sila gyod ang nagbuhat ani para sa mga bata nato,” matod ni Ms. Rochelle ngadto sa mga ginikanan ug nagbantay sa mga pasyente.