GIILA UG GIPASIDUNGGAN sa Tagum City DepEd Division ang mga eskwelahan, indibiduwal ug mga establisamento tungod sa dakong kalamposan sa 2018 Brigada Eskwela (BE) nga gipahigayon Mayo 28- Hunyo 2 una pa nagbukas ang klase niining tuiga.
Nga may tema “Pagkakaisa Para sa Handa, Ligtas at Matatag na Paaralan Tungo sa Magandang Kinabukasan” ang Brigada Eskwela maoy usa ka National Schools Maintenance Week nga nagtumong sa paghiusa sa tanang hingtungdan (stakeholders) sa edukasyon nga motampo sa ilang panahon, kusog ug kahinguhaan (resources) aron maandam ang tanang publikong tunghaan sa pagbukas sa klase.
Kung bahin sa sanong sa mga stakeholders, gibutyag ni Tagum City Schools Division Superintendent (SDS) Nelson C. Lopez nga naga-uswag kini matag tuig nga molabay.
“Response sa mga stakeholders, overwhelming. In fact ang participation nila naga-increase. When it comes to voluntary services nga gi-rendered sa Brigada Eskwela at saka sa other aspects kanang mga resource, mga donations naga-increase kita karon. Dako gyod karon nga tuig compared to last year,” matod sa Tagum Division SDS.
Dugang ni SDS Lopez nga bisan ang mga establisamento sa Tagum aktibo sab ang partisipasyon nga gisuklian sa gobyerno pinaagi’g insentibo sa buhis.
“Naa, tungod kay gi-encourage nato sila kay kini man gud siya part ni sa atong Adopt-A- School program nga kung dunay establishment nga mo-assist sa isa ka school sa ilang resources, kung mo-aplay sila duna ta’y 150% nga tax incentive,” padayong pagtug-an sa Tagum Division SDS nga wala mag-ngalan bisan isa ka establisamento sanglit daghan kanila miapil sa Brigada Eskwela.
Inspirado sa Grego nga panahon ang mga gisul-ob sa mga awardees, gituyo sa Tagum Division ang paghatag pasidungog karong bulana tungod sab sa dugang balidasyon nga gihimo nga angayan hinumdoman sa mga titser ug mga stakeholders.
“Talagang napag-isipan ng ating mga organizers to make it something different kay sa atong mga schools naanad na sa ordinaryo nga mga environment. At least niini makita sa atong mga participants kay dako pod ni’g impact sa emotions, ma-feel nila nga at least di lang diay ordinary day, something worth remembering,” padayong pahayag ni SDS Lopez.
Usa nga midawat sa “champion award” mao ang Magugpo Pilot Imelda Elementary School. Matod ni Ms. Joy Jade R. Relos nga ila kining nakab-ot tungod sa suod nga pagtinabangay sa mga ginikanan ug mga stakeholders.
“We are very happy because tonight we will be receiving the champion award from the mega school category and that mega consists of 50 teachers. What make us champion is our strong collaboration of the parents that we reach 8 million for the donations; that make us a champion for this event tonight,” matod ni Ms Relos.
“My congratulations and commendations to everyone who participated in the Brigada Eskwela, sa tanang mga stakeholders especially sa atong mga key officials tungod kay without the principals, the schools coordinators and the teachers wala man po’y participation, because all of these are really for the children, kay sila ang atong main stakeholders,” paniklop-mensahe ni SDS Nelson Lopez.
